Қазақстанда алдағы үш күнде аяз бәсеңдейді деп күтілуде, деп хабарлайды "Адырна" порталы. Бұл туралы «Қазгидромет» РМК баспасөз қызметі мәлімдеді.
«Арктикалық антициклон Қазақстанның солтүстігінде, шығысында, оңтүстік-шығысында және орталығында аязды ауа райын сақтауды жалғастыруда. Алайда оңтүстік циклонмен еліміздің батысында, солтүстік-батысында, оңтүстігінде және оңтүстік-шығысында қар жауып, әлсін-әлсін ызғар болады; таулы аймақтарда қалың қар жауады, сондай-ақ республиканың оңтүстік-шығысында аяз біртіндеп әлсірейді», - делінген дүйсенбіде жарияланған 20-22 ақпанға арналған ауа райы болжамында.
Батыста ауа температурасының төмендеуі күтілуде: түнде -10-25, күндіз -5-15, республиканың солтүстік және орталық аймақтарында ауа температурасы түнде -28-38, - күндіз 15-23, шығыс облыстарда түнде -32-45, күндіз -20-32, республиканың оңтүстік-шығысында түнде -15-25, күндіз 0-ге дейін біртіндеп көтеріледі.