Qazaqstanda aldaǵy úsh kúnde aıaz báseńdeıdi dep kútilýde, dep habarlaıdy "Adyrna" portaly. Bul týraly «Qazgıdromet» RMK baspasóz qyzmeti málimdedi.
«Arktıkalyq antııklon Qazaqstannyń soltústiginde, shyǵysynda, ońtústik-shyǵysynda jáne ortalyǵynda aıazdy aýa raıyn saqtaýdy jalǵastyrýda. Alaıda ońtústik ıklonmen elimizdiń batysynda, soltústik-batysynda, ońtústiginde jáne ońtústik-shyǵysynda qar jaýyp, álsin-álsin yzǵar bolady; taýly aımaqtarda qalyń qar jaýady, sondaı-aq respýblıkanyń ońtústik-shyǵysynda aıaz birtindep álsireıdi», - delingen dúısenbide jarııalanǵan 20-22 aqpanǵa arnalǵan aýa raıy boljamynda.
Batysta aýa temperatýrasynyń tómendeýi kútilýde: túnde -10-25, kúndiz -5-15, respýblıkanyń soltústik jáne ortalyq aımaqtarynda aýa temperatýrasy túnde -28-38, - kúndiz 15-23, shyǵys oblystarda túnde -32-45, kúndiz -20-32, respýblıkanyń ońtústik-shyǵysynda túnde -15-25, kúndiz 0-ge deıin birtindep kóteriledi.
