«Mıloserdıe» eriktiler qoǵamy» QQ-nyń uıymdastyrýymen Dúnıejúzilik aýtızm týraly aqparattandyrý (World Autism Awareness Day) kúnine arnalǵan konertte «Tehnodom» kompanııasy aýtızmmen aýyratyn balalarǵa bes ýltrabýk syıǵa tartty. Shara Almatydaǵy QR Tuńǵysh Prezıdenti qorynyń úlken zalynda ótti, dep jazady "Adyrna" ulttyq portaly
Konertte balalar aýtızmdi jeńýge degen umtylys, nıetimen, eńbekteriniń nátıjesimen kórermenderdi tań qaldyrdy. Bul jigitter qarapaıym balalarǵa ońaı bolyp kórinetin kóptegen daǵdylardy meńgerýge tyrysty. Óıtkeni, olar alǵashqy kezde tipti sóılemeıtin,, estimeıtin/sóılese almady. Al búgin olar sahnada kópshiliktiń aldynda óner kórsetedi! Jáne óte tamasha óner kórsetedi!
Aýtızm – búginde búkil adamzat betpe-bet kelip otyrǵan másele, aýtızmge shaldyqqan adamdarǵa kómek kórsetý, áleýmettendirý, beıimdeý jáne ońaltý máselesi ár memlekettiń aldynda tur. Qazaqstanda erte dıagnostıka boıynsha kóptegen problemalardyń bolýy, ýaqtyly kómek kórsetý júıesi men mamandardyń jetispeýi, kimge jáne qalaı kómektesý kerektigin anyqtap, balalarǵa kómektesetin naqty mehanızmniń joqtyǵy aýtızmdi barynsha jeńý baǵytynda jaǵdaıdy odan saıyn qıyndatady.
Aýtızmdi emdeý tek mamandardyń - nevropatologtardyń, psıhologtardyń, logopedterdiń jáne basqalardyń kómegin ǵana qajet etpeıdi. Aýtızmmen aýyratyn balalar eger búkil otbasy kúndelikti ómirde balamen qarym-qatynasty qurý týraly qajetti bilim men daǵdylardy meńgergen jaǵdaıda ǵana ońaltý boıynsha ilgerileýge múmkindigi bar. Balalar otbasynda, úıde - eń jaqyn adamdarmen jáne kúndelikti ómirde birlesken úı jumystary men is-áreketter arqyly, syrtqy álemmen qarym-qatynas jasaýdy úırený, minez-qulyq problemalaryn jeńý arqyly bilim alǵanda, eseıgen kezde óz múmkindikterin tolyq iske asyrýy kerek. Al zamanaýı tehnologııany paıdalana bilý – bul emdeýdiń mańyzdy aspektisi.
2013 jyly Almaty qalasyndaǵy erekshe balalardy tárbıelep otyrǵan ata-analardyń bastamasy «Samruk-Kazyna Trust» ÁJDQ qoldaýymen «Mıloserdıe» eriktiler qoǵamy» QQ-nyń «Aýtızmdi jeńeıik!» tolyqqandy jobasy retinde qalyptasty. Mundaǵy «Biz aýtızmdi jeńemiz!» ortalyǵy jumysynan (kún saıyn júzden astam bala oqıdy) bólek, ınternet arqyly tájirıbe men bilim berilip, óńirlerde kóshpeli semınarlar ótkiziledi.
Balalardyń jetistikteri - mamandar men ata-analardyń orasan zor eńbeginiń nátıjesi. Balalardyń 100% -ynda damý dınamıkasy, sóıleı alý qabileti iske qosylady. 2 jyl ishinde toǵyz túlek (30%) ádettegi balabaqshalarǵa bara bastady, balalardyń 30% -nan ASB dıagnozy alynyp tastaldy.
"Adyrna" ulttyq portaly
