Qazaqstan premer-mınıstriniń orynbasary, qarjy mınıstri Erulan Jamaýbaev Almaty oblysyna qarasty Balqash aýdanynyń turǵyndarymen kezdesý ótkizdi. Bul týraly vedomstvonyń baspasóz qyzmeti málimdedi, dep habarlaıdy “Adyrna” ulttyq portaly.
Kezdesýde Almaty oblysynyń ákimi Marat Sultanǵazıev pen Balqash aýdanynyń ákimi Ǵalym Toqpeıisov esep berdi.
Kún tártibinde jańa jumys oryndaryn qurý, kredıt berý arqyly shaǵyn jáne orta bıznes sýbektilerin memlekettik qoldaý sharalary, sondaı-aq halyqtyń tabysyn arttyrý baǵdarlamasy máseleleri qaraldy.
Kezdesý barysynda 2022 jyldyń 6 aıynda óńdeý ónerkásibiniń kólemi 5,8%-ke, jalpy ishki ónim 3,4%-ke, qurylys 9,2%-ke, saýda men kólik salalary 6,2%-ke ulǵaıǵany aıtyldy.
"Osyjyly óńirlerdiń damýyna respýblıkalyq bıýdjetten 5,5 trıllıon teńge bólindi. Bul jalpy shyǵyndardyń 30%-in quraıdy. Qazirgi ýaqytta jergilikti bıýdjetterdiń kiris bazasy nyǵaıtylýda. Bul rette, shaǵyn jáne orta bıznesten túsetin korporatıvtik tabys salyǵyn jergilikti deńgeıge berý oń áser etedi", – dep habarlady qarjy mınıstrliginiń baspasóz qyzmeti.
Vedomstvo málimetinshe, "Aýyl – el besigi" jobasyn iske asyrýǵa 128 mıllıardteńge bólinip, olar 580 aýylda 1 100 jobany iske asyrýǵa baǵyttaldy.
Sondaı-aq "Dıplommen aýylǵa" baǵdarlamasyn iske asyrý sheńberinde 4,3 myń mamanǵa turǵyn úı satyp alý úshin bıýdjettik kredıtter berýge 20 mıllıardteńge bólindi. Osy keshendi josparlar sheńberinde 170 myńnan astam jumys orny engiziledi dep josparlanýda.
"Memleket basshysynyń "Jańa Qazaqstan" tujyrymdamasy adal básekelestikti kúsheıtý, jeke menshikti qorǵaý, ekonomıkany monopolııadan aryltý arqyly elimizdiń jańa ekonomıkalyq baǵytyn iske asyrýǵa baǵyttalǵan. Osy sharalardyń barlyǵy saıası turaqtylyqty, bıznestiń múddeleri men quqyqtaryn qorǵaý júıesin aıtarlyqtaı nyǵaıtady, barlyq qazaqstandyq úshin keń ekonomıkalyq múmkindikter týǵyzady", - dep atap ótti mınıstr.
Kezdesý sońynda Erulan Jumabaev Almaty oblysy turǵyndarynyń suraqtaryna jaýap berip, baspasóz konferenııasyna qatysty.
”Adyrna” ulttyq portaly
