Qazaqstan premer-ministrınıŋ orynbasary, qarjy ministrı Erūlan Jamaubaev Almaty oblysyna qarasty Balqaş audanynyŋ tūrǧyndarymen kezdesu ötkızdı. Būl turaly vedomstvonyŋ baspasöz qyzmetı mälımdedı, dep habarlaidy “Adyrna” ūlttyq portaly.
Kezdesude Almaty oblysynyŋ äkımı Marat Sūltanǧaziev pen Balqaş audanynyŋ äkımı Ǧalym Toqpeiısov esep berdı.
Kün tärtıbınde jaŋa jūmys oryndaryn qūru, kredit beru arqyly şaǧyn jäne orta biznes subektılerın memlekettık qoldau şaralary, sondai-aq halyqtyŋ tabysyn arttyru baǧdarlamasy mäselelerı qaraldy.
Kezdesu barysynda 2022 jyldyŋ 6 aiynda öŋdeu önerkäsıbınıŋ kölemı 5,8%-ke, jalpy ışkı önım 3,4%-ke, qūrylys 9,2%-ke, sauda men kölık salalary 6,2%-ke ūlǧaiǧany aityldy.
"Osyjyly öŋırlerdıŋ damuyna respublikalyq biudjetten 5,5 trillion teŋge bölındı. Būl jalpy şyǧyndardyŋ 30%-ın qūraidy. Qazırgı uaqytta jergılıktı biudjetterdıŋ kırıs bazasy nyǧaityluda. Būl rette, şaǧyn jäne orta biznesten tüsetın korporativtık tabys salyǧyn jergılıktı deŋgeige beru oŋ äser etedı", – dep habarlady qarjy ministrlıgınıŋ baspasöz qyzmetı.
Vedomstvo mälımetınşe, "Auyl – el besıgı" jobasyn ıske asyruǧa 128 milliardteŋge bölınıp, olar 580 auylda 1 100 jobany ıske asyruǧa baǧyttaldy.
Sondai-aq "Diplommen auylǧa" baǧdarlamasyn ıske asyru şeŋberınde 4,3 myŋ mamanǧa tūrǧyn üi satyp alu üşın biudjettık kreditter beruge 20 milliardteŋge bölındı. Osy keşendı josparlar şeŋberınde 170 myŋnan astam jūmys orny engızıledı dep josparlanuda.
"Memleket basşysynyŋ "Jaŋa Qazaqstan" tūjyrymdamasy adal bäsekelestıktı küşeitu, jeke menşıktı qorǧau, ekonomikany monopoliiadan aryltu arqyly elımızdıŋ jaŋa ekonomikalyq baǧytyn ıske asyruǧa baǧyttalǧan. Osy şaralardyŋ barlyǧy saiasi tūraqtylyqty, biznestıŋ müddelerı men qūqyqtaryn qorǧau jüiesın aitarlyqtai nyǧaitady, barlyq qazaqstandyq üşın keŋ ekonomikalyq mümkındıkter tuǧyzady", - dep atap öttı ministr.
Kezdesu soŋynda Erūlan Jūmabaev Almaty oblysy tūrǧyndarynyŋ sūraqtaryna jauap berıp, baspasöz konferensiiasyna qatysty.
”Adyrna” ūlttyq portaly
Ūqsas jaŋalyqtar
