Bishkek pen Tashkent arasyndaǵy ortaq kelissózge qarsy shyqqan qyrǵyz belsendileri bas kóterdi. Kelissóz boıynsha Qyrǵyzstan men Ózbekstan arasyndaǵy Kempir-Abad sý qoımasy tolyq ózbek qaramaǵyna berilip, shekara mańyndaǵy ózge de daýly aımaqtardyń barlyǵy qyzǵyz qaramaǵyna ótken edi, dep habarlaıdy "Adyrna" ulttyq portaly.
Kempir-Abad kólemi boıynsha Qyrǵyzstannyń ekinshi iri sý qoımasy bolǵan. Sý qoımasynyń Ózbekstan aımaǵyna ótýine qarsylyq tanytqan qyrǵyz belsendileri Bishkekte "Kempir-Abad sý qoımasyn qorǵaý komıtetin" qurý jaıly bastama kóterdi. Kóp uzamaı olardyń úıine quqyq qorǵaý organdarynyń ókilderi kelip, suraqtyń astyna alǵan. Uıymdastyrýshylardyń deni "Bılikti basyp alýdy kózdeıtin búlikshilik" kúdigimen eki kúnge qamalǵan.
"Olardyń mundaı demokratııaǵa boıy úırenip aldy. Tóńkeris jasaımyz da, kúni erteń bılikti basyp alamyz deıdi. Bul - ohlokratııa, eshqandaı da demokratııa emes. Memleket mundaı bassyzdyqqa beı-jaı qaramaıdy", - dedi mınıstrlik ókili Edil Baısalov buǵan qatysty.
Búgin Bishkektiń ortalyq alańynda "Qyrǵyzstannyń terrıtorııalyq tutastyǵyn saqtaıyq!" atty beıbit sherý ótip jatyr.
"Adyrna" ulttyq portaly
