Qazaqstanda memlekettık qyzmetter portalynda ESQ ornyna QR qoltaŋbasyn qoiu qoljetımdı boldy. Būl turaly aqparatty Sifrlyq damu, innovasiialar jäne aeroǧaryş önerkäsıbı ministrlıgı rastady, dep habarlaidy “Adyrna” tılşısı.
«Sifrlyq damu, innovasiialar jäne aeroǧaryş önerkäsıbı ministrlıgı elektrondy qosymşalarǧa qol qoiudyŋ balamaly mehanizmın – eGov Mobile jäne eGov Busines mobildı qosymşalary arqyly QR qol qoiudy engızdı. QR-qoltaŋbanyŋ artyqşylyqtary alynbaly fleş-tasyǧyşqa ESQ jüktep alu jäne qosymşa NCALayer qosymşasyn ornatu qajettılıgın joiady. Bügıngı künı QR-qol qoiu elektrondyq ükımet portalynda (egov.kz), Sot kabinetınde (office.sud.kz) jäne Otbasy Bank saitynda (otbasybank.kz) qoljetımdı» dep habarlady ministrlık.QR arqyly kıru üşın Face ID, sausaq ızı nemese PIN kodyn paidalanyp, eGov Mobile (jeke tūlǧalar üşın) nemese eGov Business (zaŋdy tūlǧalar üşın) jüiesıne kıru qajet. Qoldanbanyŋ negızgı betınde eGovQR qoiyndysyn aşyŋyz, QR qūrastyrady jäne qūjatqa qol qoiady.Kelesı qol qoiylǧan qūjattar maqsatyna sai ärı qarai oryndauǧa/qarauǧa jıberıledı.Sonymen qatar qol qoiylǧan qūjatpen ärqaşan tanysuǧa bolatynyn atap ötken jön.
«Osylaişa, QR-qoltaŋba elektrondy qūjattarǧa qol qoiudyŋ yŋǧaily jäne ärqaşan qol jetımdı täsılı bolyp tabylady» dep tüsındırdı ministrlık.QR-qoltaŋbany qoldanu aiasyn keŋeitu jūmystary būdan keiın jalǧasady.
«Mäselen, BJZQ saitynda QR-qol qoiu mümkındıgın engızu boiynşa jūmys soŋǧy satyǧa jettı» dep qorytyndylady Sifrlyq damu ministrlıgı.Būǧan deiın ministr Baǧdat Musin QR-qoltaŋba ESQ-ny tolyǧymen auystyratynyn aitqan bolatyn.
“Menıŋ oiymşa, eŋ aldymen, adamdarǧa elektrondy qyzmetterdı paidalanu yŋǧaily boluyn qamtamasyz etu kerek. Men būl jūmysty jandandyryp, NCALayer-ten müldem bas tartu turaly tapsyrma berdım”, – dedı ol.
Ūqsas jaŋalyqtar
