Mausymnan bastap qazaqstandyqtar joǧarylatylǧan zeinetaqy men järdemaqy ala bastaidy. Būl turaly "Azamattarǧa arnalǧan ükımet" Memlekettık korporasiiasy jariialady, dep habarlaidy “Adyrna” ūlttyq portaly.
Vedomstvo mälımetınşe, 2022 jyldyŋ 12 mamyrynda qabyldanǧan "2022-2024 jyldarǧa arnalǧan respublikalyq biudjet turaly" Qazaqstan Respublikasynyŋ Zaŋyna özgerıster men tolyqtyrular engızu turaly" Zaŋy şeŋberınde 2022 jyldyŋ 1 säuırınen bastap infliasiianyŋ 2022 jylǧa arnalǧan dälızın qaita qaraudy eskere otyryp, memlekettık äleumettık saqtandyru qorynan (MÄSQ) tölenetın yntymaqty zeinetaqy men äleumettık tölemderdıŋ mölşerı qosymşa 4 paiyzǧa indeksteldı, al eŋ tömengı künkörıs deŋgeiı (ETKD) men ailyq eseptık körsetkış (AEK) kölemınıŋ özgeruıne bailanysty bazalyq zeinetaqy men järdemaqy mölşerı 4 paiyzǧa artty.
Zaŋǧa säikes 1 säuırden bastap:
Ailyq eseptık körsetkış (AEK) - 3 180 teŋge mölşerınde;
Eŋ tömengı zeinetaqy - 48 032 teŋge;
Eŋ tömengı künkörıs deŋgeiı (ETKD) - 37 389 teŋge;
Bazalyq zeinetaqy tölemınıŋ eŋ tömengı mölşerı - 20 191 teŋge.
Mausym aiynan bastap zeinetaqy men järdemaqy aluşylar aǧymdaǧy jyldyŋ säuır jäne mamyr ailarynyŋ qosymşa aqysyn eskere otyryp, tölemderdı joǧary mölşerde alatyn bolady.
Joǧarylaityn tölemderdıŋ jalpy sany 6,6 millionǧa jettı. Zeinetaqy men järdemaqylar Memleket basşysy Qasym-Jomart Toqaevtyŋ tapsyrmasyn oryndau aiasynda indeksteldı.
”Adyrna” ūlttyq portaly
Ūqsas jaŋalyqtar
