Sportshy trans-áıelge qarsy oınaýdan bas tartty, dep habarlaıdy "Adyrna" ulttyq portaly nypost.com-ǵa siltep.
Darts boıynsha álem chempıonatynyń úsh dúrkin fınalısi Deta Hedman 27 jastaǵy trans áıel Noa-Lınn van Levenge qarsy oınaýdan bas tartty.
Tartysty báseke Danııada ótip jatyr. WDF týrnırinde van Leven men Hedman shırek fınalda kezdesedi dep josparlanǵan bolatyn. Alaıda, Hedman matchqa boıkot jarııalady. Sportshy:
«Men áıelder arasyndaǵy týrnırde er adamǵa qarsy oınamaımyn», - dedi.
64 jastaǵy sportshy transgenderlerdiń áıelder jarysyna qatysýyna úzildi-kesildi qarsy ekenin de jetkizgen.
«Men sporttan lázzat alý toqtaǵan kezde ony tastaımyn dep aıtatynmyn. Áıelder dartsyndaǵy qazirgi problemalardan keıin bul sát jaqyndap keledi», - dep jazdy sportshy Hedman óziniń X jelisinde.
Aıta keteıik, sportshy Noa-Lınn van Leven 2014 jyly jynysyn aýystyryp, ózin áıel dep sanaıtynyn jasyrmaǵan.