«Regal House Publishing» баспасынан америкалық жазушы Джудит Линберг «Ақмарал» романы жарыққа шықты. Бұл туралы “Егемен Қазақстан” басылымы жариялады, деп хабарлайды “Адырна” ұлттық порталы.
Ақпаратқа сүйенсек, романда ежелгі Орталық Азия алқабында өмір сүрген көшпелі тайпадан шыққан жауынгер әйелдің тағдыры суреттелген. Туынды қазір АҚШ-тың кітап дүкендерінде сатылып жатыр. Оқиғалары өзгеше, тақырыбы тың болғандықтан, аталған шығарма мұхитттың ар жағындағы әдеби сыншылардың да назарын аударыпты.
«Ақмарал» – б.з.д. V ғасырда Орталық Азия даласында өмір сүрген көшпелі әйел-жауынгер туралы роман. Бұл туынды Қазақстандағы Есіктен табылған Алтын адам мен Тывадан табылған Сібір мұз ханшасы туралы археологиялық зерттеулерге негізделген. Аталған тақырыпқа қатты қызықтым. Грек тарихшысы Геродоттың Троя соғысына қатысқан амазонкалар туралы жазбаларын да зерттедім. Осы кітапқа кіріспес бұрын шығармашылық ізденіс аясында тарихқа, Орталық Азияның кең көсілген алқабына және мәдениетіне терең үңілдім. Шығарманы жазу барысында көшпелілердің мал шаруашылығы мен аңшылыққа негізделген дәстүрлі өмір салтын түсінуге тырыстым. Менің мақсатым – осы ұмыт қалған көне мәдениетті адамзат тарихының үлкен хронологиясында көрсету болды», дейді шығарма авторы “Егемен Қазақстан” басылымына берген сұхбатында.
