Búgin Qazaqstandaǵy «Túrki jazýy» kúni.
Bul kún 2014 jyly QR Parlamentiniń sheshimimen «Túrki jazýy kúni» retinde jarııalanyp, Úkimettiń qaýlysymen bekitilgen.
18 mamyrdyń tańdalýy kezdeısoq emes – dál osy kúni ejelgi túrki sózderi jazylǵan Kúltegin eskertkishiniń kóshirmesi Mońǵolııa dalasynan Astanaǵa ákelingen bolatyn.
Kóne túrki jazýy — rýna nemese syna jazýy dep atalady. Bul jazý túrki halyqtarynyń tarıhı-mádenı murasynyń altyn qazyǵy sanalady.
Orhon, Selenga, Toly ózenderiniń boıynan tabylǵan tastaǵy jazýlar Soltústik Mońǵolııada ornalasqan jáne olar Bilge qaǵan, Kúltegin, Tonykók sııaqty tarıhı tulǵalarǵa arnalǵan.
Ertedegi túrik jazýy alǵash ret XVIII ǵasyrdyń 20-jyldary orys patshasy I Petrge qyzmet etken nemis ǵalymy D.Messershmıdt pen onyń janyndaǵy shved ofıeri I.Stralenberg arqyly Enıseı ańǵarynan tabyldy. Olar bul jazýdy Skandınavııa rýnalaryna uqsastyryp, «rýnalyq jazý» dep atady.
1889 jyly N.M.Iadrınev Orhon ózeniniń ańǵarynan iri qulpytastardaǵy jazýlardy tapty. Bul — túrkitaný ǵylymyndaǵy úlken jańalyq boldy.
Kóne túrki mátinderin alǵash oqyp, sheshimin tapqan – dat ǵalymy V.Tomsen, al ony túrki tilinde alǵash oqyǵan – orys túrkology V.Radlov boldy.
