Osydan tura 70 jyl būryn, 1955 jyly Baiqoŋyr ǧaryş ailaǧyn salu turaly şeşım qabyldandy.
Alǧaşqy qūrylysşylar Töretam stansiiasyna 1955 jyldyŋ qaŋtarynda kelgen. Bıraq tek qyrküiekte bırınşı startqa arnalǧan şūŋqyr qazu jūmystary bastalǧan.
Halyq tyǧyzdyǧy az, qauıpsızdık talaptaryna sai kelgendıkten osy aimaq taŋdap alynǧan. Nebärı bır jyl ışınde alǧaşqy nysandar salynyp, paidalanuǧa berılgen.
Baiqoŋyr ǧaryş ailaǧynda Gagarin atyndaǧy start alaŋyn salu kezınde kütpegen arheologiialyq olja tabylǧan. Qazu jūmystary barysynda qūrylysşylar 35 metr tereŋdıkte ejelgı oşaqtyŋ ızderın jäne tūz bailanǧan aǧaş otyn qaldyqtaryn anyqtap, arheologtardy şaqyrǧan. Alaida belgısız sebeptermen olar kele almaǧan. Osyǧan bailanysty tabylǧan oşaq pen otyn qaldyqtary arnaiy jäşıkke salynyp, zertteu üşın elordaǧa jıberılgen.
Üş aiǧa sozylǧan zertteu nätijesınde tabylǧan zattyŋ jasy 10-30 myŋ jyldyq aralyǧyn qamtityny anyqtalǧan. .
6717 şarşy şaqyrym aumaqty alyp jatqan ǧaryş ailaǧynan 1961 jyly alǧaşqy jasandy sputnik jäne tūŋǧyş ǧaryşker Iýrii Gagarin ūşyryldy. Onyŋ ūşuy 108 minutqa sozylǧan. Baiqoŋyrdan 1960 jyldardan bastap 1500-den astam ǧaryş kemesı ūşyrylǧan. 1991 jyly Qazaqstan täuelsızdık alǧannan keiın, Baiqoŋyr ǧaryş ailaǧy Qazaqstan Respublikasynyŋ menşıgıne öttı. Alaida, Reseimen kelısımge säikes, 1994 jyly ǧaryş ailaǧy 2050 jylǧa deiın Reseige jalǧa berıldı. Qazırgı taŋda Turizm jäne sport ministrlıgı aimaqty turizmdı damytu tūjyrymdamasyn äzırleude. Būl joba aiasynda qala men ǧaryş ailaǧyna kıruge arnalǧan rūqsatnamalardy elektrondy formatta räsımdeu jäne turistık obektılerge kıruge ötınımdı beru merzımın qysqartu mäselesı qarastyryluda. Osy özgerıster engızılse, turisterge Baiqoŋyrdaǧy 1-alaŋ men mūrajai aimaǧyna baru jeŋıldeidı. Būǧan deiın turister Baiqoŋyrǧa jetu üşın Qyzylordaǧa ūşyp kelıp, odan ärı poiyz nemese avtokölıkpen baruǧa mäjbür bolǧan. Osy mäselenı şeşu maqsatynda Qazaqstan men Resei äue tasymaldauşylaryna Baiqoŋyrǧa tūraqty reister oryndau qūqy berıldı. Aldaǧy uaqytta Astana – Baiqoŋyr, Almaty – Baiqoŋyr jäne kerı baǧytta tūraqty äue qatynasy ıske qosyluy mümkın.Ūqsas jaŋalyqtar
