Қазақстан өз криптобанкін құруы мүмкін. Бұл туралы премьер-министр Олжас Бектенов депутаттық сауалға берген жауабында мәлімдеді, деп хабарлайды «Адырна» тілшісі.
Айтуынша, криптобанктер тұрақты цифрлық экожүйені қалыптастыруда маңызды рөл атқара алады.
«Үкімет жаһандық экономиканың ажырамас бөлігіне айналып бара жатқан цифрлық активтер саласындағы үрдістерді мұқият қадағалап отыр. Осыған байланысты елдегі цифрлық активтердің заңды және ашық нарығын дамытуға ықпал ететін теңгерімді және прогрессивті реттеуші ортаны қалыптастыру жұмыстарын жалғастырып жатырмыз. Инфрақұрылым дамып, құқықтық тәжірибе жиналған соң криптобанктерді қаржылық реттеу жүйесіне институционалдық түрде енгізу мүмкіндігі қарастырылады»»,—деді ол.
Бұған дейін Мәжіліс депутаты Азат Перуашев Қазақстанда криптобанк ашу идеясын ұсынған еді.
