Мәскеудің Басман аудандық соты Украинаның Қазақстандағы бұрынғы елшісі Петр Врублевскийге қатысты үкім шығарды, деп хабарлайды «Адырна» тілшісі РИА Новостиге сілтеме жасап.
«Оған алты жылға бас бостандығынан айыру жазасы тағайындалды», – деді қорғаушы Дмитрий Кирсанов.
Еске салайық, 2022 жылдың тамызында Пётр Врублёвский «орыстарды көбірек қыруымыз қажет» деген мәлімдеме жасаған еді. Бұл сөзді Қазақстан халқы ассамблеясы да айыптады. Дипломатты Қазақстанның сыртқы істер министрлігіне шақырған. Артынша оның артық кеткен сөзі үшін кешірім сұрағаны белгілі болды. 2022 жылдың қазан айында Украина президенті Владимир Зеленский Врублёвскийді қызметінен босатты.
2024 жылдың тамызында Ресейде дипломат сырттай алты жылға сотталды. Ресей соты оған «жеккөрушілік, ұлтты және тілі бойынша жаулық туғызуға бағытталған әрекет жасады» деген айып тақты. Алайда сол жылдың қараша айында сот үкімді жойды.
