Ресей ғалымдарының зерттеуінше, коронавирусты «тежеуге» қабілетті ыстық және құрғақ ауа райы маусымның басында болады. Сондықтан Ресей оқымыстылары «вирустың толық жойылып кетуі үшін маусымның аяғы мен шілде айын күту керек» деп отыр. Гидрометорталығының ғылыми жетекшісі Роман Вильфанд РИА Новости сайтына берген сұхбатында осылай деген.
«Егер 25-28 температура туралы айтатын болсақ, ол еуропалық аумақтың оңтүстігінде және Азиядан маусым айының басында климат мәліметтері бойынша орнатылады. Бірақ климат бойынша күннің қатты ыситын кезі шілде айының басы»,-дейді синоптик.
Оның бұл пікірін биология ғылымдарының докторы, GMU (АҚШ) жүйелік биология мектебінің профессоры Анча Баранова да қуаттап отыр.
«Жер бетінде қатты ыстық болғанда вирус тежеледі. Ылғалды салқын температуда вирустың сақталуы үш күн болса, ыстық ауа райы кезінде ол жерде үш сағат «отыруы» мүмкін. Міне, осының арқасында жұқтырғандар саны азаяды. Вирус маусым, шілде айында тежелуі керек», - дейді Баранова.
Алайда итальяндық вирусолог Роберто Буриони жазда пандемия жылыну салдарынан құлдырауы мүмкін деген мифті жоққа шығарып отыр. Маман вируспен күресте кейбір мемлекеттер енгізген шектеу шаралары ғана тиімді екенін атап өтті. Сондықтан "жазда вирус кетеді",-деп арқаны кеңге салуға тағы болмайды
