Беларусь республикасында «Жаңа Беларусь маршы» атты жаңа ауқымды наразылық шерулері өтетіні жарияланды. Наразылық шеруі осы жексенбіде, 23 тамыз күні өтеді. Бұл жайында Nexta Live телеграм каналында хабарлаған.
Аталған телеграм канал белорустарды елдің барлық қаласында митингіге шығуға шақырған. Атап айтқанда, Минскіде наразылық акциясы Тәуелсіздік алаңында сағат 14:00-де басталуы тиіс.
Оппозициялық күштердің талаптары өткен демалыс күндердегідей:
- Барлық ұсталғандар мен саяси тұтқындарға дереу еркіндік берілуі;
- Президент Александр Лукашенконың кетуі;
- Кісі өлтіру мен азаптауға кінәлілер бойынша Сот төрелігі.
Сондай-ақ хабарламада: «Сол бір маңызды және тарихи күні (16 тамыздағы наразылықтар – «Адырна») белорустар басқа елде тұруға дайын екенін көрсетті. Өз жолымен өмір сүрудің уақыты келді", - деп көрсетілген.
Сурет NEXTA Live телеграм парақшасынан алынды
Адырна» ұлттық порталы
