Belarus respublikasynda «Jaŋa Belarus marşy» atty jaŋa auqymdy narazylyq şerulerı ötetını jariialandy. Narazylyq şeruı osy jeksenbıde, 23 tamyz künı ötedı. Būl jaiynda Nexta Live telegram kanalynda habarlaǧan.
Atalǧan telegram kanal belorustardy eldıŋ barlyq qalasynda mitingıge şyǧuǧa şaqyrǧan. Atap aitqanda, Minskıde narazylyq aksiiasy Täuelsızdık alaŋynda saǧat 14:00-de bastaluy tiıs.
Oppozisiialyq küşterdıŋ talaptary ötken demalys künderdegıdei:
- Barlyq ūstalǧandar men saiasi tūtqyndarǧa dereu erkındık berıluı;
- Prezident Aleksandr Lukaşenkonyŋ ketuı;
- Kısı öltıru men azaptauǧa kınälıler boiynşa Sot törelıgı.
Sondai-aq habarlamada: «Sol bır maŋyzdy jäne tarihi künı (16 tamyzdaǧy narazylyqtar – «Adyrna») belorustar basqa elde tūruǧa daiyn ekenın körsettı. Öz jolymen ömır sürudıŋ uaqyty keldı", - dep körsetılgen.
Suret NEXTA Live telegram paraqşasynan alyndy
Adyrna» ūlttyq portaly
