1 наурыздан бастап Нұр-Сұлтанда мұғалімдер, балабақша тәрбиешілері және тәртіп сақшылары екпе салдырады. Елорданың Қоғамдық денсаулық сақтау департаменті мәліметтері бойынша, бұл тізімде 15 мыңнан астам адам бар, - деп хабарлайды "Адырна" ұлттық порталы.
Коронавируске қарсы екпе салу үшін арнайы 36 медициналық-санитарлық көмек ұйымында вакцинация пункттері ұйымдастырылды.
"Педагогтер мен тәрбиешілер оқу орны орналасқан жер бойынша тіркелген алғашқы медициналық-санитарлық көмек ұйымдарында екпе салдырады. Вакцина қабылдайтын адамдар тізімі жасалып, емханаларға жіберілді", - деп толықтырды департамент өкілдері.
