الماتىدا ساۋدا ويىن-ساۋىق ورتالىقتارى مەن بازارلاردا ۆاكتسيناتسيالاۋ جۇرگىزۋ جوسپارلانۋدا. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ وكىلى لاۋرا مىرزاعالي مالىمدەدى، - دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
لاۋرا مىرزاعاليدىڭ ايتۋىنشا، قازىر الماتىدا ەمحانالاردا 35 ۆاكتسيناتسيالاۋ بولمەسى بار. جاقىندا تاعى 15 پۋنكت اشىلادى دەپ جوسپارلانۋدا.
«بالكىم كەلەشەكتە بۇل پۋنكتتەر جەكە كلينيكالاردا ءوز جۇمىسىن باستاۋى مۇمكىن. ءبىز حالىقتى ساۋدا ۇيلەرىندە، بازارلاردا ۆاكتسيناتسيالاۋ ماسەلەسىن قاراستىرىپ جاتىرمىز»، - دەدى ول.
سونداي-اق، قالالىق قوعامدىق دەنساۋلىق ساقتاۋ باسقارماسىنىڭ وكىلى، جازعا دەيىن الماتىعا 197 مىڭنان استام ۆاكتسينا جەتكىزىلەدى دەپ كۇتىلۋدە دەدى.
«ءبىز ءساۋىر ايىندا 65200 دوزانى، مامىردا دا 65200 دوزانى جانە ماۋسىمدا 67000 ۆاكتسينا دوزاسىن كۇتەمىز. كەلەسى كەزەكتە رەۆاكتسيناتسيا جاسالادى جانە بۇل ساندار دا ءدال وسىنداي بولادى»، - دەدى لاۋرا مىرزاعالي.
"ادىرنا" ۇلتتىق پورتالى
