Қазақстан 4 қазаннан бастап Мальдив аралдарымен тұрақты рейстерді қалпына келтіреді, деп хабарлайды "Адырна" тілшісі.
4 қазаннан бастап Air Astana Алматы - Мале бағыты бойынша тұрақты рейстерді қалпына келтіреді. Аптасына төрт рейс. B767 және A321LR типті ұшақтар басқарылатын болады.
Индустрия және инфрақұрылымдық даму министрлігі Мальдивке ұшатын рейстер санының көбеюі эпидемиологиялық жағдай мен МАБ шешімдеріне байланысты болатынын баса айтты.
Рейстер санитарлық -эпидемиологиялық талаптарды қатаң сақтай отырып және авиакомпанияның сайтында жарияланған кестеге сәйкес орындалатын болады.
16 мамырда бас мемлекеттік санитарлық дәрігер «Мальдив аралдарынан Қазақстанға коронавирустың әкелінуіне жол бермеу шараларын күшейту туралы» қаулы шығарды. Келесі күні Air Astana 31 мамырға дейін Алматыдан Мальдивке ұшуды тоқтатқаны белгілі болды.
"Адырна" ұлттық порталы
