Сирияның оңтүстік-батысында орналасқан Дераа қаласында экстремисттік топтардың содырлары өкіметке өз қолындағы қаруларын тапсырды. Бұл жайында ТАСС ақпараттық агенттігі хабар таратты.
Экстремисттік топтардың содырлары Сирия өкіметіне минометтер, гранатаметтер, атыс қаруларының 300 данасын табыстаған. Қаруларды өкіметке тапсыру оларға жасалатын арнайы амнистияны мәлімдегеннен кейін іске асқан.
Қазір бұл содырлар Дераа қаласын тастап, Идлиб аймағына аттанғалы жатыр. Сирияның солтүстік аймағында да қарусыздандыру процестеріне қатысады деген деректер тарап жатыр.
Қазір Сирияның Дераа қаласында тазарту жұмыстары жүріп жатыр. Қалаға Сирияның әскерлері кіріп, ұлттық туын тігіп қойды.
«Адырна» ұлттық порталы
