«Qazaqkonert» uıymyna KSRO jáne Qazaqstannyń halyq ártisi, Halyq qaharmany Roza Baǵlanovanyń esimi berildi, dep habarlaıdy «Adyrna» tilshisi.
«2022 jyly qazaqtyń bulbul ánshisi Roza Baǵlanovanyń týǵanyna 100 tolýyna oraı memleket basshysy Qasym-Jomart Toqaev uly ánshiniń esimin halyq jadynda máńgi saqtaý úshin sharalardy qabyldaýdy tapsyrdy. Qazaqkonerttiń ataýy úkimetiniń 2021 jyldyń 17 tamyzyndaǵy "Qazaqstan mádenıet jáne sport mınıstrliginiń respýblıkalyq memlekettik zańdy tulǵalarynyń keıbir máseleleri týraly" №564 qaýlysyna sáıkes aýysty»,– dep jazdy uıymnyń baspasóz qyzmeti.
Aıta keteıik, halyq ártisi 1960 jyldan beri «Qazaqkonertte» qyzmet etip, qazaq mýzyka óneriniń damýyna zor úles qosqan bolatyn.
«Adyrna» ulttyq portaly
