بۇگىن شىمكەنت قالاسىنداعى №28 «گاۋھار» ارناۋلى (كوررەكتسيالىق) بالاباقشاسىنىڭ بازاسىندا ەل تاۋەلسىزدىگىنىڭ 30 جىلدىعى اياسىندا «تاۋەلسىزدىك - ماڭگىلىك ەل تۇعىرى» تاقىرىبىندا قالالىق سەمينار ءوتتى.
ادىستەمەلىك ورتالىقتىڭ ۇيىمداستىرۋىمەن وتكەن سەميناردىڭ نەگىزگى ماقساتى مەكتەپكە دەيىنگى ۇيىمدارداعى بالالارعا پاتريوتتىق سەزىمدى قالىپتاستىرۋ، ۇلتتىق قۇندىلىقتاردى جاڭعىرتۋ جانە ينكليۋزيۆتى ءبىلىم بەرۋ جۇيەسىندە پەداگوگيكالىق تۇرعىدان قولداۋ كورسەتۋدى جۇزەگە اسىرۋ.
سەمينارعا «Nur-Otan» پارتياسى شىمكەنت قالالىق فيليالى «ساياسي جۇمىستار» ءبولىمىنىڭ مەڭگەرۋشىسى ە.بايقونىسوۆ پەن جالپى ورتا ءبىلىم بەرۋ مەكتەپتەرىنىڭ ارنايى ماماندارى قاتىستى.
جيىن بارىسىندا ءسوز العان شىمكەنت قالاسى ادىستەمەلىك ورتالىعى ديرەكتورى، ف.ع.ك. م.مەدەتبەكوۆا ينكليۋزيۆتى ءبىلىم بەرۋدى دامىتۋدىڭ تۇجىرىمدامالىق تاسىلدەرىنىڭ ستراتەگيالىق باعىتتارىن ىسكە اسىرۋدا ادىستەمەلىك قولداۋ ماسەلەسىنە توقتالدى.
قالالىق سەمينارعا قاتىسۋشىلار ينكليۋزيۆتىك ءبىلىم بەرۋدىڭ جاڭارتىلعان مازمۇنىن مجبس تالاپتارىنا سايكەس جۇزەگە اسىرۋدىڭ ەرەكشەلىكتەرى، ياعني ينكليۋزيۆتىك ءبىلىم بەرۋ جاعدايىندا ەرەكشە ءبىلىم بەرۋدە قاجەتتىلىكتەرىنىڭ ساقتالۋ ءتارتىبى اياسىندا كەزدەسەتىن سۇراقتارعا جاۋاپ الدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
