Bügın Şymkent qalasyndaǧy №28 «GauHar» arnauly (korreksiialyq) balabaqşasynyŋ bazasynda El Täuelsızdıgınıŋ 30 jyldyǧy aiasynda «Täuelsızdık - mäŋgılık el tūǧyry» taqyrybynda qalalyq seminar öttı.
Ädıstemelık ortalyqtyŋ ūiymdastyruymen ötken seminardyŋ negızgı maqsaty mektepke deiıngı ūiymdardaǧy balalarǧa patriottyq sezımdı qalyptastyru, ūlttyq qūndylyqtardy jaŋǧyrtu jäne inkliuzivtı bılım beru jüiesınde pedagogikalyq tūrǧydan qoldau körsetudı jüzege asyru.
Seminarǧa «Nur-Otan» partiiasy Şymkent qalalyq filialy «Saiasi jūmystar» bölımınıŋ meŋgeruşısı E.Baiqonysov pen jalpy orta bılım beru mektepterınıŋ arnaiy mamandary qatysty.
Jiyn barysynda söz alǧan Şymkent qalasy ädıstemelık ortalyǧy direktory, f.ǧ.k. M.Medetbekova inkliuzivtı bılım berudı damytudyŋ tūjyrymdamalyq täsılderınıŋ strategiialyq baǧyttaryn ıske asyruda ädıstemelık qoldau mäselesıne toqtaldy.
Qalalyq seminarǧa qatysuşylar inkliuzivtık bılım berudıŋ jaŋartylǧan mazmūnyn MJBS talaptaryna säikes jüzege asyrudyŋ erekşelıkterı, iaǧni inkliuzivtık bılım beru jaǧdaiynda erekşe bılım berude qajettılıkterınıŋ saqtalu tärtıbı aiasynda kezdesetın sūraqtarǧa jauap aldy.
Şymkent qalasynyŋ Aqparattyq-kommunikasiialyq ortalyǧy
