БҚО қылмыстық істер жөніндегі мамандандырылған ауданаралық сотында тұрғын үй-коммуналдық шаруашылық бөлімінің экс-қызметкеріне қатысты үкім жарияланды деп хабарлайды "Адырна" ұлттық порталы «Экспресс К» сайтына сілтеме жасап.
Бұрынғы әйелін 30 рет пышақтап өлтірген бұрынғы шенеунік 15 жылға бас бостандығынан айырылды.
— Хайруллин Бауыржан кінәлі деп танылып, 15 жылға бас бостандығынан айыру жазасын қатаң режимдегі колонияда өтеу туралы үкім шығарылды, – деді судья Бақыт Ермаханов.
Сондай-ақ сотталушы марқұмның анасына 11 миллион теңгеден астам, ал әпкесі 5 миллион теңгеге жуық ақша төлеуі тиіс. Туыстары сот үкімімен келіспеді. Анасы мен әпкесі Хайруллиннің бұдан да ауыр жазаға лайық екенін айтты.
— Айнагүл Хайруллина өмірлік белгілерсіз ауруханаға жеткізілді, — деді судья. Сот сотталушы адам өлтіруді алдын ала жоспарлаған, сол себепті бұрынғы әйелімен жұмыс істеуге бара жатып, өзімен бірге пышақ алып, оны өлтірген, содан кейін қылмыс орнын тастап кеткен деген қорытындыға келді. Кісі өлтіруге қызғаныш себеп болған.
Хайруллиннің өзі Айнагүлдің өлімі туралы екі күннен кейін ғана білгенін айтты.
Сот отырысында қорғаушы тарап Хайруллин бұрынғы әйелін 30 секундта азаптай алмайтынын, оның аффект күйінде әрекет еткенін айтты, сарапшылар мұны жоққа шығарды.
Үкім заңды күшіне енген жоқ. Оған 15 күн ішінде шағымдануға болады.
Еске салайық, ағымдағы жылдың сәуір айында тұрғын үй-коммуналдық шаруашылық бөлімінің бұрынғы қызметкері әйеліне көшеде тура 30 жерден пышақ сұғып, қыз сол жерде көз жұмды. Сотта ер адам әйелін сатқындық жасады деп күдіктенетінін айтты. Ал марқұм Айнагүл Хайруллинаның ата-анасы бұрынғы күйеуінің әйелді жиі ұрып-соғатынын айтты. Тіпті қорқытулар да болған, бірақ олар Бауыржан Хайруллиннің мұндай қылмысқа баратынына сене алмай, оған ең ауыр жаза сұрады.
"Адырна" ұлттық порталы
