قازاقستان ۇكىمەتى «ۇلتتىق رەجيمنەن بوساتۋدى بەلگىلەۋدىڭ كەيبىر ماسەلەلەرى تۋرالى» ەكى جىلدىق قاۋلى قابىلدادى، وندا مەملەكەتتىك ورگانداردىڭ شەتەلدىك وندىرۋشىلەردەن جيھاز جانە جەڭىل ونەركاسىپ ونىمدەرىن، سونداي-اق ماشينا جاساۋ ونىمدەرىن ساتىپ الۋىنا تىيىم سالۋ كوزدەلگەن، دەپ حابارلايدى "ادىرنا" ۇلتتىق پورتالى ءۇكىمەتتىڭ ءباسپاسوز قىزمەتىنە سىلتەمە جاساپ.
«قۇجات قولدانىستاعى وندىرىستىك قۋاتتاردى جۇكتەۋدى قامتاماسىز ەتۋگە، جۇمىس ورىندارىن ساقتاۋعا مۇمكىندىك بەرەدى جانە تۇتاستاي العاندا وتاندىق جەڭىل، جيھاز جانە ماشينا جاساۋ ونەركاسىبىن ودان ءارى دامىتۋعا ىنتالاندىرادى»، - دەلىنگەن حابارلامادا.
مەملەكەتتىك ساتىپ الۋلارعا تەك قازاقستاندا وندىرىلگەن تاۋارلار عانا قاتىسۋعا جىبەرىلەتىنى ناقتىلاندى. يندۋستريا مينيسترلىگى مەملەكەتتىك ساتىپ الۋ جونىندەگى ۋاكىلەتتى ورگانعا جيھاز جانە جەڭىل ونەركاسىپ تاۋارلارىنىڭ تىزبەسىن ۇسىندى.
رەسپۋبليكالىق رەجيمنەن الىپ تاستاۋعا جاتاتىن ينجەنەرلىك تاۋارلاردىڭ تىزبەسىنە ەلەۆاتورلار، تراۆولاتورلار، ەسكالاتورلار جانە جىلجىمالى جولدار، اۆتوماتتاندىرىلعان گاز تاراتۋ ستانسالارى، كومبايندار، تراكتورلار، جۇك كولىگى تراكتورلارى، اۆتوبۋستار، جەڭىل جانە جۇك كولىكتەرى، ارنايى تەحنيكا،ەلەكتر جانە باسقا قۇرىلعىلار، گازدى سۇيىقتىقتاردى بەرۋگە ارنالعان ەسەپتەگىشتەر كىرەدى.
"ادىرنا" ۇلتتىق پورتالى
