ارمان جۇمابەكوۆ قر ۇلتتىق ەكونوميكا مينيسترلىگى اپپاراتىنىڭ باسشىسى قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى primeminister.kz-كە سىلتەمە جاساپ.
قر ۇەم ءمينيسترىنىڭ بۇيرىعىمەن ارمان دايىرۇلى جۇمابەكوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى ۇلتتىق ەكونوميكا مينيسترلىگى اپپاراتىنىڭ باسشىسى قىزمەتىنەن بوساتىلدى،- دەلىنگەن حابارلامادا.
ارمان جۇمابەكوۆ 1973 جىلى اقمولا وبلىسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن.
ەڭبەك جولىن 1990 جىلى تسەلينوگراد وبلىسىنىڭ جيناق بانكى ەرەيمەنتاۋ فيليالىنىڭ ينسپەكتورى بولىپ باستادى.
ءار جىلدارى اقمولا وبلىسى بويىنشا سالىق كوميتەتىندە، مەملەكەتتىك كىرىستەر مينيسترلىگىندە، قر پرەمەر-ءمينيسترىنىڭ كەڭسەسىندە، قر پرەزيدەنتىنىڭ اكىمشىلىگىندە جۇمىس ىستەدى.
2018-2019 جىلدارى — قر ۇلتتىق ەكونوميكا مينيسترلىگىنىڭ جاۋاپتى حاتشىسى.
2019 جىلى — قر ۇلتتىق ەكونوميكا ءبىرىنشى ۆيتسە-ءمينيسترى. 2021 جىلعى قاڭتاردان باستاپ قر ۇەم اپپاراتىنىڭ باسشىسى بولدى.
"ادىرنا" ۇلتتىق پورتالى
