بيىل شىمكەنتتە 1 605 ازاماتتى ساتىپ الۋ قۇقىعىنسىز تۇرعىن ۇيمەن قامتۋ جوسپارلانعان. ونىڭ ىشىندە كوپبالالى وتباسىلار – 476, حالىقتىڭ الەۋمەتتىك جاعىنان ءالسىز توبى (جەتىم جانە اتا-انانىڭ قامقورلىعىنسىز قالعاندار-54) – 272, جۇمىس ىستەيتىن جاستار – 857.
بۇل تۋرالى قالا اكىمىنە تۇرعىن ءۇي باسقارماسىنىڭ باسشىسى ع.ۋتەنباەۆ ەسەپتى جيىن كەزىندە باياندادى.
وتكەن جىلى 456 كوپبالالى وتباسى (240 پاتەر جالعا بەرىلگەن، 216 پاتەر نەسيەگە بەرىلگەن) جانە 744 حالىقتىڭ الەۋمەتتىك ءالسىز توبى (272 پاتەر جالعا بەرىلگەن، 472 پاتەر نەسيەگە بەرىلگەن، ونىڭ ىشىندە 68 جەتىم بالا), مەملەكەتتىك قىزمەتكەر جانە بيۋدجەتتىك سالا ساناتىنداعى 1 108 ازامات نەسيەلىك، جالعىز تۇرعىن ءۇيى اپاتتى دەپ تانىلعان 1 ازامات نەسيەلىك تۇرعىن ۇيمەن قامتىلدى.
العاشقى جارناسىن وتەۋ ماقساتىندا جالپى 416 تۇرعىن ءۇي سەرتيفيكاتى الەۋمەتتىك كومەك رەتىندە وتەۋسىز نەگىزدە بەرىلگەن. ونىڭ ىشىندە «باقىتتى وتباسى» باعىتىندا - 149, «شاڭىراق» جەڭىلدەتىلگەن نەسيەلىك باعىتى بويىنشا 267 ازامات تۇرعىن ءۇي سەرتيفيكاتىن يەلەنگەن. تۇرعىن ءۇي سەرتيفيكاتتارىن بەرۋ ءۇشىن بۇل جىلى دا جەرگىلىكتى بيۋدجەتتەن 500 ملن. تەڭگە قارجى قاراستىرىلعان.
شىمكەنت قالاسىندا تۇرعىن ۇيگە مۇقتاج ازاماتتار كەزەگىنە تۇرۋ اۆتوماتتاندىرىلعان، تىزىمدە 48 623 ازامات تىركەلگەن. الدىڭعى جىلعا قاراعاندا كەزەكتە تۇرعاندار سانى ارتقان. ونىڭ باسىم بولىگى «مەملەكەتتىك قىزمەتشىلەر جانە بيۋدجەتتىك مەكەمەلەردىڭ قىزمەتكەرلەرى» جانە كوپ بالالى ساناتىنداعىلار. اتالعان ازاماتتاردى تۇرعىن ۇيمەن قامتۋ ماقساتىندا قالامىزدا ميلليون شارشى مەتردەن اسا تۇرعىن ءۇي قۇرىلىسى ءجۇرىپ، بارلىق نەسيەلىك باعدارلامالار بويىنشا كومەك كورسەتۋ تەتىكتەرىن جەتىلدىرۋ كوزدەلگەن. بيىل بۇل ماقساتتا «5-20-25» تۇرعىن ءۇي باعىتى بويىنشا 18 تۇرعىن ءۇيدى جانە «7-20-25» باعىتىمەن 15 تۇرعىن ءۇيدى پايدالانۋعا بەرۋ جوسپارلانۋدا.
جيىندى قورىتىندىلاعان قالا اكىمى م.ايتەنوۆ تۇرعىن ءۇي بويىنشا زاڭنامالاردى تۇرعىندارعا ۇنەمى ءتۇسىندىرىپ وتىرۋدى تاپسىردى. سونىمەن بىرگە، ماڭىزدى باعىتتاردىڭ ءبىرى - رەنوۆاتسيا باعدارلاماسى ەكەنىن ايتىپ، وعان ينۆەستورلاردى تارتا وتىرىپ قولداۋ كورسەتۋدى جۇكتەدى.
شىمكەنت قالاسى اكىمدىگىنىڭ ءباسپاسوز قىزمەتى