Biyl Şymkentte 1 605 azamatty satyp alu qūqyǧynsyz tūrǧyn üimen qamtu josparlanǧan. Onyŋ ışınde köpbalaly otbasylar – 476, halyqtyŋ äleumettık jaǧynan älsız toby (jetım jäne ata-ananyŋ qamqorlyǧynsyz qalǧandar-54) – 272, jūmys ısteitın jastar – 857.
Būl turaly qala äkımıne tūrǧyn üi basqarmasynyŋ basşysy Ǧ.Utenbaev eseptı jiyn kezınde baiandady.
Ötken jyly 456 köpbalaly otbasy (240 päter jalǧa berılgen, 216 päter nesiege berılgen) jäne 744 halyqtyŋ äleumettık älsız toby (272 päter jalǧa berılgen, 472 päter nesiege berılgen, onyŋ ışınde 68 jetım bala), memlekettık qyzmetker jäne biudjettık sala sanatyndaǧy 1 108 azamat nesielık, jalǧyz tūrǧyn üiı apatty dep tanylǧan 1 azamat nesielık tūrǧyn üimen qamtyldy.
Alǧaşqy jarnasyn öteu maqsatynda jalpy 416 tūrǧyn üi sertifikaty äleumettık kömek retınde öteusız negızde berılgen. Onyŋ ışınde «Baqytty otbasy» baǧytynda - 149, «Şaŋyraq» jeŋıldetılgen nesielık baǧyty boiynşa 267 azamat tūrǧyn üi sertifikatyn ielengen. Tūrǧyn üi sertifikattaryn beru üşın būl jyly da jergılıktı biudjetten 500 mln. teŋge qarjy qarastyrylǧan.
Şymkent qalasynda tūrǧyn üige mūqtaj azamattar kezegıne tūru avtomattandyrylǧan, tızımde 48 623 azamat tırkelgen. Aldyŋǧy jylǧa qaraǧanda kezekte tūrǧandar sany artqan. Onyŋ basym bölıgı «Memlekettık qyzmetşıler jäne biudjettık mekemelerdıŋ qyzmetkerlerı» jäne köp balaly sanatyndaǧylar. Atalǧan azamattardy tūrǧyn üimen qamtu maqsatynda qalamyzda million şarşy metrden asa tūrǧyn üi qūrylysy jürıp, barlyq nesielık baǧdarlamalar boiynşa kömek körsetu tetıkterın jetıldıru közdelgen. Biyl būl maqsatta «5-20-25» tūrǧyn üi baǧyty boiynşa 18 tūrǧyn üidı jäne «7-20-25» baǧytymen 15 tūrǧyn üidı paidalanuǧa beru josparlanuda.
Jiyndy qorytyndylaǧan qala äkımı M.Äitenov tūrǧyn üi boiynşa Zaŋnamalardy tūrǧyndarǧa ünemı tüsındırıp otyrudy tapsyrdy. Sonymen bırge, maŋyzdy baǧyttardyŋ bırı - renovasiia baǧdarlamasy ekenın aityp, oǧan investorlardy tarta otyryp qoldau körsetudı jüktedı.
Şymkent qalasy äkımdıgınıŋ baspasöz qyzmetı
