مولداۆا پروكۋراتۋراسى تۇڭعىش پرەزيدەنت نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ پەن قۇداسى قايرات بورانباەۆتى بوپسالاۋ بويىنشا ايىپتاپ، جاۋاپ الۋ ءۇشىن شاقىرعان. بۇل تۋرالى ميحايل كوزاچكوۆتىڭ Telegram ارناسى جازدى. بۇل تۋرالى Abai.kz-كە سىلتەمە جاساپ، "ادىرنا" ۇلتتىق پورتالى حابارلايدى.
جۋرناليست ميحايل كوزاچكوۆتىڭ Telegram-ارناسىندا جاريالاعان قۇجاتقا سايكەس، قۇلىباەۆ پەن بورانباەۆ مولداۆادا كونستيتۋتسياسىنىڭ 189-باپ، 6-ءبولىمى بويىنشا ايىپتالۋدا.
مولدوۆا زاڭناماسى بويىنشا، 189-باپ، 6-ءبولىمى بوپسالاۋ بويىنشا اسا iرi مولشەردە جاسالعان ارەكەتتەر – 13 جىلدان 15 جىلعا دەيىن باس بوستاندىعىنان ايىرىلادى.
«قازاقستان رەسپۋبليكاسىنىڭ ازاماتى قۇلىباەۆ تيمۋر اسقارۇلى № 2021670123 قىلمىستىق ءىس بويىنشا قىلمىستىق ءىستى جۇرگىزۋگە بايلانىستى قىلمىستىق كودەكستىڭ 189-بابى، 6-بويىنشا(بوپسالاۋ) ۇيىمداسقان قىلمىسقا جانە ەرەكشە ىستەرگە قارسى پروكۋراتۋرانىڭ باسقارۋىنا 07.02.2022 ج. ساعات 10:00-دا ءسىز ۇيىمداسقان قىلمىسقا جانە ەرەكشە ىستەرگە قارسى پروكۋراتۋراعا ادۆوكاتپەن، كۇدىكتى رەتىندە جاۋاپ الۋ ءۇشىن كەلۋىڭىز كەرەك. كەلۋ مىندەتتى» - دەلىنگەن قۇجاتتا.
ءدال وسىنداي شاقىرتۋ قايرات بورانباەۆتىڭ اتىنا دا جىبەرىلدى. «قازاقستان رەسپۋبليكاسىنىڭ ازاماتى بورانباەۆ قايرات № 2021670123 قىلمىستىق ءىس بويىنشا قىلمىستىق ءىستى جۇرگىزۋگە بايلانىستى قىلمىستىق كودەكستىڭ 189-بابى 6-بويىنشا(بوپسالاۋ) ۇيىمداسقان قىلمىسقا جانە ەرەكشە ىستەرگە قارسى پروكۋراتۋرانىڭ باسقارۋىنا 03.02.2022 ج. ساعات 10:00-دا ءسىز ۇيىمداسقان قىلمىسقا جانە ەرەكشە ىستەرگە قارسى پروكۋراتۋراعا ادۆوكاتپەن، كۇدىكتى رەتىندە جاۋاپ الۋ ءۇشىن كەلۋىڭىز كەرەك. كەلۋ مىندەتتى» - دەلىنگەن قۇجاتتا.
اتاپ ايتساق، قاسىرەتتى قاڭتار كوتەرىلىسىنەن كەيىن، تيمۋر قۇلىباەۆ مەملەكەتتەگى بىرقاتار ءىرى لاۋازىمدارىنان كەتكەن بولاتىن.
"ادىرنا" ۇلتتىق پورتالى
