Moldava prokýratýrasy tuńǵysh prezıdent Nursultan Nazarbaevtyń kúıeý balasy Tımýr Qulybaev pen qudasy Qaırat Boranbaevty bopsalaý boıynsha aıyptap, jaýap alý úshin shaqyrǵan. Bul týraly Mıhaıl Kozachkovtyń Telegram arnasy jazdy. Bul týraly Abai.kz-ke silteme jasap, "Adyrna" ulttyq portaly habarlaıdy.
Jýrnalıst Mıhaıl Kozachkovtyń Telegram-arnasynda jarııalaǵan qujatqa sáıkes, Qulybaev pen Boranbaev Moldavada Konstıtýııasynyń 189-bap, 6-bólimi boıynsha aıyptalýda.
Moldova zańnamasy boıynsha, 189-bap, 6-bólimi bopsalaý boıynsha asa iri mólsherde jasalǵan áreketter – 13 jyldan 15 jylǵa deıin bas bostandyǵynan aıyrylady.
«Qazaqstan Respýblıkasynyń azamaty Qulybaev Tımýr Asqaruly № 2021670123 qylmystyq is boıynsha qylmystyq isti júrgizýge baılanysty qylmystyq kodekstiń 189-baby, 6-boıynsha(bopsalaý) uıymdasqan qylmysqa jáne erekshe isterge qarsy prokýratýranyń basqarýyna 07.02.2022 j. saǵat 10:00-da siz uıymdasqan qylmysqa jáne erekshe isterge qarsy prokýratýraǵa advokatpen, kúdikti retinde jaýap alý úshin kelýińiz kerek. Kelý mindetti» - delingen qujatta.
Dál osyndaı shaqyrtý Qaırat Boranbaevtyń atyna da jiberildi. «Qazaqstan Respýblıkasynyń azamaty Boranbaev Qaırat № 2021670123 qylmystyq is boıynsha qylmystyq isti júrgizýge baılanysty qylmystyq kodekstiń 189-baby 6-boıynsha(bopsalaý) uıymdasqan qylmysqa jáne erekshe isterge qarsy prokýratýranyń basqarýyna 03.02.2022 j. saǵat 10:00-da siz uıymdasqan qylmysqa jáne erekshe isterge qarsy prokýratýraǵa advokatpen, kúdikti retinde jaýap alý úshin kelýińiz kerek. Kelý mindetti» - delingen qujatta.
Atap aıtsaq, Qasiretti qańtar kóterilisinen keıin, Tımýr Qulybaev memlekettegi birqatar iri laýazymdarynan ketken bolatyn.
"Adyrna" ulttyq portaly
