شىمكەنت قالاسى ءماسليحاتىنىڭ كەزەكتى ون ءۇشىنشى سەسسياسى ءوتتى. جيىنعا قالا اكىمى مۇرات ايتەنوۆ، ءماسليحات حاتشىسى ب.نارىمبەتوۆ، دەپۋتاتتار مەن اۋدان اكىمدەرى جانە باسقارما باسشىلارى قاتىستى.
بۇگىنگى سەسسيادا قالاداعى مەملەكەتتىك ورگانداردىڭ ەسەپتەرى تىڭدالىپ، بىرقاتار ماڭىزدى شەشىمدەر قابىلداندى.
سەسسيا جۇمىسىندا قارالىپ بەكىتىلگەن ماسەلەنىڭ ءبىرى قالا جانە اۋدان اكىمدەرىنىڭ حالىقپەن كەزدەسۋلەرىنىڭ 2022 جىلعا ارنالعان كۇنتىزبەسى. ەندى جاڭا فورمات بويىنشا اكىمدەر حالىقپەن جىل بويى تۇراقتى كەزدەسۋلەر وتكىزەدى.
وسى بويىنشا قالا باسشىسى حالىق قالاۋلىلارىنا كەزدەسۋلەردىڭ قورىتىندىسى بويىنشا وزەكتى ماسەلەلەردىڭ پۋلى قۇرىلاتىنىن ايتىپ ءوتتى.
«وزەكتى ماسەلەلەردىڭ پۋلى اياسىندا قاجەتتى ينفراقۇرىلىممەن قامتاماسىز ەتۋ، ءتيىستى قۇرال-جابدىقتاردى ساتىپ الۋ مەن قۇرىلىس جۇمىستارىن جۇرگىزۋ بويىنشا ناقتى شارالار ۇيىمداستىرىلادى»، - دەدى اكىم.
سەسسيادا دەپۋتاتتارمەن 5 وزەن مەن كانالداردىڭ ارناسىن تۇزەتۋ، جاعالاۋلاردى نىعايتۋ جۇمىستارىن جۇرگىزۋمەن قاتار مەملەكەتتىك-جەكەشەلىك ارىپتەستىك اياسىندا قالاداعى 24 كانال مەن 2 وزەنگە مەحانيكالىق تازالاۋ;
حالىقتىڭ الەۋمەتتىك وسال توپتارىن قولداۋ ماقساتىندا 32 395 وتباسىعا اتاۋلى الەۋمەتتىك كومەك بەرۋ
جۇمىستارىن جۇيەلى جۇرگىزۋ بويىنشا شەشىمدەر قابىلداندى.
جيىن سوڭىندا مۇرات ايتەنوۆ سەسسيا جۇمىسىندا ايتىلعان ۇسىنىستاردى قولداعاندارى ءۇشىن دەپۋتاتتار كورپۋسىنا العىسىن ءبىلدىرىپ، حالىقتىڭ ءوتىنىشى نەگىزىندە قويىلعان دەپۋتاتتىق ساۋالدار بويىنشا ءتيىستى جۇمىستار جۇرگىزىلەتىنىن ايتتى.
