Şymkent qalasy mäslihatynyŋ kezektı on üşınşı sessiiasy öttı. Jiynǧa qala äkımı Mūrat Äitenov, mäslihat hatşysy B.Narymbetov, deputattar men audan äkımderı jäne basqarma basşylary qatysty.
Bügıngı sessiiada qaladaǧy memlekettık organdardyŋ esepterı tyŋdalyp, bırqatar maŋyzdy şeşımder qabyldandy.
Sessiia jūmysynda qaralyp bekıtılgen mäselenıŋ bırı qala jäne audan äkımderınıŋ halyqpen kezdesulerınıŋ 2022 jylǧa arnalǧan küntızbesı. Endı jaŋa format boiynşa äkımder halyqpen jyl boiy tūraqty kezdesuler ötkızedı.
Osy boiynşa qala basşysy halyq qalaulylaryna kezdesulerdıŋ qorytyndysy boiynşa özektı mäselelerdıŋ puly qūrylatynyn aityp öttı.
«Özektı mäselelerdıŋ puly aiasynda qajettı infraqūrylymmen qamtamasyz etu, tiıstı qūral-jabdyqtardy satyp alu men qūrylys jūmystaryn jürgızu boiynşa naqty şaralar ūiymdastyrylady», - dedı äkım.Sessiiada deputattarmen 5 özen men kanaldardyŋ arnasyn tüzetu, jaǧalaulardy nyǧaitu jūmystaryn jürgızumen qatar memlekettık-jekeşelık ärıptestık aiasynda qaladaǧy 24 kanal men 2 özenge mehanikalyq tazalau; Halyqtyŋ äleumettık osal toptaryn qoldau maqsatynda 32 395 otbasyǧa atauly äleumettık kömek beru jūmystaryn jüielı jürgızu boiynşa şeşımder qabyldandy. Jiyn soŋynda Mūrat Äitenov sessiia jūmysynda aitylǧan ūsynystardy qoldaǧandary üşın deputattar korpusyna alǧysyn bıldırıp, halyqtyŋ ötınışı negızınde qoiylǧan deputattyq saualdar boiynşa tiıstı jūmystar jürgızıletının aitty.
