بانكتەر الداعى 2023 جىلى تەك شەنەۋنىكتەردىڭ اقشا اۋدارىمدارى تۋرالى اقپاراتتى سالىق ورگاندارىنا بەرە باستايدى. سونىمەن قاتار، مەملەكەتتىك قىزمەتشىلەر سالىق دەكلاراتسياسىن تاپسىرۋعا مىندەتتى بولادى.
بۇل رەتتە، سالىق ورگاندارىنا بارلىعىنىڭ اۋدارىمدارى ەمەس، تەك اۋدارىمدار سانى بەلگىلى ءبىر كولەمنەن اساتىن تۇلعالار تۋرالى عانا دەرەكتەر جىبەرىلەدى. بۇل كولەم ءالى تالقىلانۋدا.
قازاقستاندىقتاردىڭ كوپشىلىگىنىڭ ءموبيلدى اۋدارىمدارى تۋرالى اقپارات 2026 جىلعا دەيىن بەرىلمەيدى. جاڭا ەرەجەلەر كىرىستەردى جالپىعا بىردەي دەكلاراتسيالاۋدى ەنگىزۋمەن قاتار كەزەڭ-كەزەڭىمەن ەنگىزىلەدى، مۇنى ءوزىنىڭ كىرىسى تۋرالى سالىقتىق اقپاراتتى ۇسىنۋ دەگەنمەن قاتار قاراستىرۋعا بولادى.
جالپىعا بىردەي دەكلاراتسيانى، ونىڭ ىشىندە اقشا اۋدارىمدارى تۋرالى اقپاراتتى ەنگىزۋ كەلەسى كەستەگە سايكەس جۇزەگە اسىرىلادى:
- I كەزەڭ. 2023 جىلى مەملەكەتتىك قىزمەتشىلەر مەن ولاردىڭ جۇبايلارى، سونداي-اق ولارعا تەڭەستىرىلگەن تۇلعالار جانە جۇبايلارى ءۇشىن. 2022 جىلعى وپەراتسيالار مەن كىرىستەرى تۋرالى دەرەكتەر بەرىلەدى.
- II كەزەڭ. 2024 جىلى بيۋدجەتتىك سالا قىزمەتكەرلەرى جانە ولاردىڭ جۇبايلارى، سونداي-اق كۆازيمەملەكەتتىك سەكتور سۋبەكتىلەرىنىڭ قىزمەتكەرلەرى جانە ولاردىڭ جۇبايلارى ءۇشىن. دەرەكتەر 2023 جىلعى وپەراتسيالار مەن كىرىستەرى تۋرالى دەرەكتەر بەرىلەدى.
- III كەزەڭ. 2025 جىلى زاڭدى تۇلعالاردىڭ باسشىلارى، قۇرىلتايشىلارى (قاتىسۋشىلارى) جانە ولاردىڭ جۇبايلارى، دارا كاسىپكەرلەر جانە ولاردىڭ جۇبايلارى ءۇشىن. 2024 جىلعى وپەراتسيالار مەن كىرىستەرى تۋرالى دەرەكتەر بەرىلەدى.
- IV كەزەڭ. 2026 جىلى حالىقتىڭ قالعان بارلىق ساناتتارى ءۇشىن. 2025 وپەراتسيالارى مەن كىرىستەرى تۋرالى دەرەكتەر بەرىلەدى.
جەكە تۇلعالاردىڭ اۋدارىمدارىنا سالىق سالىنباعان جانە سالىنبايدى دا.
"ادىرنا" ۇلتتىق پورتالى
