Bankter aldaǵy 2023 jyly tek sheneýnikterdiń aqsha aýdarymdary týraly aqparatty salyq organdaryna bere bastaıdy. Sonymen qatar, memlekettik qyzmetshiler salyq deklaraııasyn tapsyrýǵa mindetti bolady.
Bul rette, salyq organdaryna barlyǵynyń aýdarymdary emes, tek aýdarymdar sany belgili bir kólemnen asatyn tulǵalar týraly ǵana derekter jiberiledi. Bul kólem áli talqylanýda.
Qazaqstandyqtardyń kópshiliginiń mobıldi aýdarymdary týraly aqparat 2026 jylǵa deıin berilmeıdi. Jańa erejeler kiristerdi jalpyǵa birdeı deklaraııalaýdy engizýmen qatar kezeń-kezeńimen engiziledi, muny óziniń kirisi týraly salyqtyq aqparatty usyný degenmen qatar qarastyrýǵa bolady.
Jalpyǵa birdeı deklaraııany, onyń ishinde aqsha aýdarymdary týraly aqparatty engizý kelesi kestege sáıkes júzege asyrylady:
- I kezeń. 2023 jyly memlekettik qyzmetshiler men olardyń jubaılary, sondaı-aq olarǵa teńestirilgen tulǵalar jáne jubaılary úshin. 2022 jylǵy operaııalar men kiristeri týraly derekter beriledi.
- II kezeń. 2024 jyly bıýdjettik sala qyzmetkerleri jáne olardyń jubaılary, sondaı-aq kvazımemlekettik sektor sýbektileriniń qyzmetkerleri jáne olardyń jubaılary úshin. Derekter 2023 jylǵy operaııalar men kiristeri týraly derekter beriledi.
- III kezeń. 2025 jyly zańdy tulǵalardyń basshylary, quryltaıshylary (qatysýshylary) jáne olardyń jubaılary, dara kásipkerler jáne olardyń jubaılary úshin. 2024 jylǵy operaııalar men kiristeri týraly derekter beriledi.
- IV kezeń. 2026 jyly halyqtyń qalǵan barlyq sanattary úshin. 2025 operaııalary men kiristeri týraly derekter beriledi.
Jeke tulǵalardyń aýdarymdaryna salyq salynbaǵan jáne salynbaıdy da.
"Adyrna" ulttyq portaly
