ءانشى ءابدىجاپپار القوجانىڭ ۇلدارىنىڭ سۇندەت تويىندا اكۋلا سويىلىپ، شوۋ جاسالدى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
اكۋلانى بەلگىلى اسپاز باعدات تالعاتۇلى (@bagdat_cook) دايىنداعان. ونىڭ ايتۋىنشا، اكۋلا ەتى جارتى ساعاتتا پىسەدى.
"توي كەشە، 22-ءسى جەتىسايدا ءوتتى. اكۋلانى اقش-تان الدىرتتى. بالىق جارتى ساعاتتا پىسەدى. ونىڭ ەتى كوپ ادامعا ۇناماۋى مۇمكىن. تاۋىقتىڭ ەتىنە ۇقسايدى، بىراق قىشقىلداۋ بولىپ كەلەدى. ءبىر اكۋلانى تويدا شوۋ رەتىندە ۇسىندىق. ەتىن كوپ ادام جەي بەرمەيدى، اكۋلا دەگەن اتى عانا", - دەيدى اسپاز.
ارتىنشا اكۋلانىڭ ەتى قوناقتارعا ۇسىنىلعان. باعداتتىڭ ايتۋىنشا، بۇل اكۋلا ەتىن پىسىرۋدەگى العاشقى تاجىريبەسى ەمەس.
"الماتىدا بالىقتىڭ ءتۇر-ءتۇرىن، سەگىزاياق، ءتىپتى جىلاندى دا تاپسىرىسپەن مەيرامحانالاردا پىسىرەتىنمىن. كەشەگى تويداعى بالىق - اكۋلانىڭ بالاسى. نەگىزى ول جابايى اكۋلا ەمەس. ياعني جيىن-تويلارعا تاپسىرىس رەتىندە ارنايى باسسەيندەردە 2-3 كەلىگە دەيىن وسىرىلەدى. اكۋلانىڭ جاساندى ءتۇرى دەپ ايتساق بولادى", - دەيدى باعدات.
سونىمەن قاتار، بۇگىندە اكۋلالاردىڭ باعاسى قانشادان ەكەنىن ايتتى.
"ورتاشا ەسەپپەن ءبىر كەلىسى 10-15 مىڭ تەڭگەدەن. كەشەگى تويداعى اكۋلانىڭ سالماعى شامامەن 3 كەلى", - دەيدى اسپاز.
“ادىرنا” ۇلتتىق پورتالى
