ءبارىمىز ءدىن دەيمىز، ناماز وقيمىز، جۇرت قاپتاپ مەشىتكە بارادى، ال ونىڭ ىشىندەگى ساناسى قانداي، ونى ەشكىم بىلمەيدى. بۇل جونىندە مەملەكەت باسشىسى «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى بويىنشا قازاق تىلىنە اۋدارىلعان 18 كىتاپتىڭ سالتاناتتى تۇساۋكەسەر شاراسىندا مالىمدەدى، دەپ حابارلايدى Baq.kz ءتىلشىسى.
ەلباسى الەمدەگى ءداستۇرلى ءدىن وكىلدەرىنىڭ سەزىندە جينالعان ۋاقىتتا دا وسى ماسەلە ايتىلاتىنىن اتاپ ءوتتى.
«الايدا، بۇعان قاراماستان، ءدىن ىشىندە قانداي سوعىستار ءجۇرىپ جاتقانىن قاراڭىزدارشى. قازىردىڭ وزىندە مۇسىلماندار اراسىنداعى قىرعىن سوعىس ەۋروپانىڭ ورتا عاسىرداعىسىمەن بىردەي. پاريجدەگى كاتوليكتەر مەن پروتەستانتتاردىڭ اراسىنداعى سوعىس قازىر شيتتەر مەن سۋننيتتەردىڭ اراسىنداعى سوعىس سياقتى. سول ۋاقىتتى قازىر ءبىز باستان كەشىرىپ جاتىرمىز. سوندىقتان، ءدىننىڭ تاريحىن ءبىلۋ ارقىلى باسقا جولعا ءتۇسىپ كەتكەن ءبىلىمسىز جاستارعا تۇسىندىرە الاتىن ءبىزدىڭ ءدىني قىزمەتكەرلەر ءۇشىن قۇندىلىق بولىپ سانالادى. جالپى، بارلىعىمىز ءبىلۋىمىز كەرەك. سەبەبى، ءبارىمىز ءدىن دەيمىز، ناماز وقيمىز، جۇرت قاپتاپ مەشىتكە بارادى، ال ىشىندەگى ساناسى قانداي، ونى ەشكىم بىلمەيدى. قۇر انشەيىن ەلمەن بىرگە شۋىلداپ جۇرە بەرۋ كەرەك دەپ سانايدى. ولاي ەمەس. ارقايسىسىنىڭ ءوز ماعىناسى بار، دۇنيەجۇزىندە ول ماسەلە تالدانعان»، - دەدى نازارباەۆ.
________________________________________________________________________Baq.kz