Bárimiz din deımiz, namaz oqımyz, jurt qaptap meshitke barady, al onyń ishindegi sanasy qandaı, ony eshkim bilmeıdi. Bul jóninde Memleket basshysy «Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha qazaq tiline aýdarylǵan 18 kitaptyń saltanatty tusaýkeser sharasynda málimdedi, dep habarlaıdy Baq.kz tilshisi.
Elbasy álemdegi dástúrli din ókilderiniń sezinde jınalǵan ýaqytta da osy másele aıtylatynyn atap ótti.
«Alaıda, buǵan qaramastan, din ishinde qandaı soǵystar júrip jatqanyn qarańyzdarshy. Qazirdiń ózinde musylmandar arasyndaǵy qyrǵyn soǵys Eýropanyń orta ǵasyrdaǵysymen birdeı. Parıjdegi katolıkter men protestanttardyń arasyndaǵy soǵys qazir shııtter men sýnnıtterdiń arasyndaǵy soǵys sııaqty. Sol ýaqytty qazir biz bastan keshirip jatyrmyz. Sondyqtan, dinniń tarıhyn bilý arqyly basqa jolǵa túsip ketken bilimsiz jastarǵa túsindire alatyn bizdiń dinı qyzmetkerler úshin qundylyq bolyp sanalady. Jalpy, barlyǵymyz bilýimiz kerek. Sebebi, bárimiz din deımiz, namaz oqımyz, jurt qaptap meshitke barady, al ishindegi sanasy qandaı, ony eshkim bilmeıdi. Qur ánsheıin elmen birge shýyldap júre berý kerek dep sanaıdy. Olaı emes. Árqaısysynyń óz maǵynasy bar, dúnıejúzinde ol másele taldanǵan», - dedi Nazarbaev.
________________________________________________________________________Baq.kz
