QR BǴM IV toqsandaǵy qashyqtan oqytýdyń birneshe nusqalaryn usynyp otyr. Bul týraly mınıstrliktiń baspasóz qyzmeti habarlady.
Atap aıtsaq, radıo arqyly ótkiziletin sabaqtar men telesabaqtar, bilim berý ınternet-resýrstaryn paıdalaný, shaǵyn jınaqty mektepterdegi dástúrli oqytý formaty jáne taǵy bir baǵyt – "Qazposhta" arqyly.
Bilim jáne ǵylym vıe-mınıstri Rústem Bıǵarı men "Qazposhta" AQ Basqarma tóraǵasy Sáken Sársenov osy baǵyttaǵy yntymaqtastyq tetikterin talqylady.
Shalǵaı eldi-mekenderde turatyn jáne ınternet arqyly oqýǵa múmkindigi joq oqýshylardyń úılerine oqý materıaldaryn jetkizý, sondaı-aq, oryndalǵan tapsyrmalardy pedagogtarǵa qaıta jiberý qajet. Elimizde mundaı oqýshylardyń sany – 20 myńnan astam – delingen habarlamada.
Atalǵan mindetterdi júzege asyrý maqsatynda yntymaqtastyq týraly ekijaqty Memorandýmǵa qol qoıyl. Osyǵan sáıkes oqýshylarǵa arnalǵan oqý materıaldary «Qazposhta» AQ poshta baılanysy bólimsheleri arqyly jetkiziletin bolady. Ata-analarǵa poshta baılanysy qyzmeti úshin tólem jasaýdyń qajeti joq.
Qashyqtan bilim berý tehnologııalaryn qoldaný arqyly oqýǵa múmkindigi joq oqýshylar týraly derekterdi oblystyq jáne respýblıkalyq mańyzy bar qalalardyń bilim basqarmalary ókilderi usynady.
Aıta ketken jón, shalǵaı eldi-mekenderde ómir súretin oqýshylarǵa arnalǵan oqý materıaldary sanıtarlyq qaýipsizdiktiń barlyq normalaryn saqtaı otyryp, jetkiziletin bolady. Osylaısha, poshta baılanysy muǵalimnen oqýshyǵa jáne oqýshydan muǵalimge jiberiletin oqý materıaldaryn ýaqytyly jetkizýdi qamtamasyz etedi.
