2026 جىلعى 22 مامىردا الماتى قالاسىنداعى «عىلىم ورداسى» عيماراتىندا «India’s Strategic Autonomy: A Special Feature» كىتابىنىڭ تانىستىرىلىمى جانە «Incredible India: New Opportunities for Kazakhstan» اتتى حالىقارالىق دوڭگەلەك ۇستەل ءوتتى. ءىس-شارانى قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ حالىقارالىق قاتىناستار زەرتتەۋ ورتالىعى مەن قازاق ۇلتتىق قىزدار پەداگوگيكالىق ۋنيۆەرسيتەتى بىرلەسىپ ۇيىمداستىردى.
ءىس-شارا ءۇندىستاننىڭ قازىرگى حالىقارالىق قاتىناستار جۇيەسىندەگى ستراتەگيالىق ءرولىن، سونداي-اق قازاقستان مەن ءۇندىستان اراسىنداعى ىنتىماقتاستىقتىڭ جاڭا مۇمكىندىكتەرىن تالقىلاۋعا ارنالعان ماڭىزدى حالىقارالىق ساراپتامالىق الاڭعا اينالدى. جيىنعا ديپلوماتتار، عالىمدار، زەرتتەۋشىلەر مەن حالىقارالىق ساراپشىلار قاتىستى.
ءىس-شارا بارىسىندا قاتىسۋشىلارعا قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ عىلىمي-تەحنيكالىق ىنتىماقتاستىق ءبولىمىنىڭ باسشىسى انار مۇحتاروۆا، قازاقستان رەسپۋبليكاسى سىرتقى ىستەر مينيسترلىگىنىڭ الماتى قالاسىنداعى وكىلدىگىنىڭ ساياسي توپ جەتەكشىسى الماشا ارىستانقىزى ارەنوۆا، سونداي-اق ءۇندىستاننىڭ قازاقستانداعى بۇرىنعى توتەنشە جانە وكىلەتتى ەلشىسى، India Central Asia Foundation ۇيىمىنىڭ پرەزيدەنتى اشوك كۋمار شارما قۇتتىقتاۋ ءسوز سويلەدى.
باعدارلامانىڭ ماڭىزدى بولىگى «India’s Strategic Autonomy: A Special Feature» كىتابىنىڭ تانىستىرىلىمى بولدى. باسىلىمدى رادج كۋمار شارما تانىستىرىپ، ەڭبەكتىڭ نەگىزگى مازمۇنىنا، ءۇندىستاننىڭ ستراتەگيالىق اۆتونومياسى، سىرتقى ساياسي باسىمدىقتارى جانە قازىرگى حالىقارالىق قاۋىپسىزدىك جۇيەسىندەگى ورنىنا قاتىستى ماڭىزدى ماسەلەلەرگە توقتالدى.
كىتاپقا ساراپتامالىق شولۋ جاساعان حالىقارالىق قاتىناستار زەرتتەۋ ورتالىعىنىڭ ديرەكتورى دۋمان قۇرمانعازىۇلى جەكەنوۆ اتالعان ەڭبەكتىڭ قازىرگى گەوساياسي وزگەرىستەر جاعدايىنداعى وزەكتىلىگىن جانە ءۇندىستان مەن ورتالىق ازيا مەملەكەتتەرى اراسىنداعى ىنتىماقتاستىقتى زەرتتەۋدەگى ماڭىزىن اتاپ ءوتتى.
ساراپتامالىق سەسسيا اياسىندا حالىقارالىق قاتىناستار جانە شىعىستانۋ سالاسىنداعى ماماندار باياندامالار جاسادى. ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتىنىڭ پروفەسسورى لاۋرا گيبراتقىزى ەرەكەشەۆا قازاقستان مەن ءۇندىستان اراسىنداعى قاتىناستاردىڭ دامۋ پەرسپەكتيۆالارىنا توقتالدى. India Central Asia Foundation ۇيىمىنىڭ ديرەكتورى جانە نيۋ-دەليدەگى MERI Centre for International Studies ورتالىعىنىڭ جەتەكشىسى راماكانت دۆيۆەدي ءۇندىستان مەن ورتالىق ازيا ەلدەرى اراسىنداعى ىنتىماقتاستىقتىڭ جاڭا باعىتتارىن ۇسىندى. ERI Research Center ورتالىعىنىڭ اعا عىلىمي قىزمەتكەرى، PhD دوكتورى البينا ميرزاحانقىزى مۇراتبەكوۆا حالىقارالىق ءوزارا ءىس-قيمىلدىڭ زاماناۋي ۇردىستەرىنە ارنالعان اناليتيكالىق بايانداما جاسادى.
پىكىرتالاس بارىسىندا قاتىسۋشىلار قازاقستان مەن ءۇندىستان اراسىنداعى اكادەميالىق، مادەني جانە ستراتەگيالىق ىنتىماقتاستىقتى نىعايتۋ ماسەلەلەرىن تالقىلاپ، بىرلەسكەن عىلىمي جانە ءبىلىم بەرۋ باستامالارىن دامىتۋ پەرسپەكتيۆالارى جونىندە پىكىر الماستى.
ءىس-شارا قازاقستان مەن ءۇندىستان اراسىنداعى سەرىكتەستىكتى كەڭەيتۋگە دەگەن ءوزارا قىزىعۋشىلىقتىڭ جوعارى ەكەنىن تاعى ءبىر مارتە دالەلدەپ، ەكى ەل اراسىنداعى ساراپتامالىق جانە عىلىمي ديالوگتى دامىتۋعا ەلەۋلى ۇلەس قوستى.
ۇيىمداستىرۋشىلار بارلىق سپيكەرلەرگە، قاتىسۋشىلار مەن قوناقتارعا بەلسەندى قاتىسقاندارى جانە مازمۇندى پىكىر الماسۋعا ۇلەس قوسقاندارى ءۇشىن العىس ءبىلدىرىپ، حالىقارالىق عىلىمي ىنتىماقتاستىقتى ودان ءارى دامىتۋ ماڭىزدى ەكەنىن اتاپ ءوتتى.
