ەل وردادا «ەرەكشە بالالار. مىنەز-قۇلىقتى قولدانبالى تالداۋعا (اۆا) كىرىسپە» اتتى كىتاپتىڭ تۇساۋكەسەرى ءوتتى. بۇل مىنەز-قۇلىقتى قولدانبالى تالدايتىن (اۆا) قازاق تىلىندەگى ەڭ العاشقى وقۋ قۇرالى. اۆا تەراپياسى – الەمدەگى تيىمدىلىگى عىلىمي تۇرعىدان دالەلدەنگەن دامۋ ەرەكشەلىكتەرى بار بالالاردى وقىتاتۋ وقىتۋ ادىستەرىنىڭ ءبىرى. كىتاپتى “بولاشاق” كورپوراتيۆتىك قورى “شەۆرون” كومپانياسىمەن سەرىكتەستىكتە اۋدارىپ شىعاردى.
بۇل كىتاپ – «وسوبىە دەتي. ۆۆەدەنيە ۆ پريكلادنوي اناليز پوۆەدەنيا (اۆا)» اتتى كىتاپتىڭ قازاق تىلىنە اۋدارماسى، ول جەردە مىنەز-قۇلىقتىڭ قولدانبالى تالداۋىنىڭ نەگىزگى قاعيدالارى، پروبلەمالىق مىنەز-قۇلىقتى تۇزەتۋ ادىستەرى جانە دامۋ ەرەكشەلىكتەرى بار بالالارعا مىنەز-قۇلىقتى ۇيرەتۋ ستراتەگيالارى سيپاتتالعان. كىتاپ دامۋ ەرەكشەلىكتەرى بار بالالاردى تاربيەلەيتىن جانە وقىتاتىن پەداگوگتارعا، دەفەكتولوگتارعا، لوگوپەدتەرگە جانە اتا-انالارعا ارنالعان.
كىتاپتى اۋدارۋ جانە شىعارۋ “بولاشاق” قورىنىڭ ء“ار بالا مەكتەپكە بارۋعا تۇرارلىق” جوباسى اياسىندا ىسكە اسىرىلادى. جوبا 2015 جىلدان بەرى جۇمىس ىستەپ كەلەدى جانە ءاۋتيزمى جانە باسقا دا دامۋ ەرەكشەلىكتەرى بار بالالارعا مەكتەپتە جانە بالاباقشادا ءبىلىم بەرۋدىڭ ينكليۋزيۆتى مودەلىن دامىتۋعا جانە ەنگىزۋگە باعىتتالعان.
“وسىنداي كىتاپتاردى اۋدارا وتىرىپ ءبىز قازاق ءتىلدى ماماندارعا دۇنيەجۇزىلىك عىلىمي قاۋىمداستىق تانىعان وزىق ادىستەردى، ياعني تۇزەتۋ پەداگوگيكانى ۇسىنامىز. بۇل دەگەنىمىز ءبىز قازاقستانداعى ەرەكشە بالالارمەن جۇمىس تيىمدىلىگىن ارتتىرۋ ءۇشىن كوبىرەك جاعداي تۋعىزامىز. كىتاپپەن جۇمىس بارىسىندا كەيبىر مىنەز-قۇلىقتى قولدانبالى تالداۋ بويىنشا ارنايى تەرميندەر اعىلشىن جانە ورىس تىلدەرىنەن العاش رەت قازاق تىلىنە اۋدارىلدى. ارينە كىتاپتى اۋدارۋعا ءبىزدىڭ قىمباتتى دەمەۋشىمىز “شەۆرون” كومپانياسىنىڭ كومەگى زور بولدى. وسىنداي ماڭىزدى ءىستى قولداعانى ءۇشىن ولارعا شىن جۇرەكتەن العىس ايتامىز. بۇگىن ءبىز قازاق تىلىندەگى ينكليۋزيا سالاسىنداعى ساپالى ادەبيەتتىڭ شىعارىلۋىنىڭ نەگىزىن قالايمىز. قور وسى باعىتتا جۇمىسىن جالعاستىرادى. قازىرگى تاڭدا ءبىز “ABLLS-R” دامۋ ەرەكشەلىكتەرى بار بالالاردىڭ داعدىلارىن باعالاۋ قۇرالىن اعىلشىن تىلىنەن قازاق تىلىنە اۋدارۋدى قولعا الدىق” – دەدى "بولاشاق” قورىنىڭ قامقورشىلىق كەڭەسىنىڭ ءتورايىمى دينارا گاپلان.
شاراعا “شەۆرون” كومپانياسىنىڭ جۇرتشىلىقپەن بايلانىس جونىندەگى ۇيلەستىرۋشىسى قوشپانوۆا جانار، ۇلتتىق ارنايى جانە ينكليۋزيۆتىك ءبىلىم بەرۋدى دامىتۋ عىلىمي-پراكتيكالىق ورتالىقتىڭ ديرەكتورى كۋدەرينوۆا ايگەرىم، سونىمەن قاتار ماماندار جانە ايماقتاردان كەلگەن ءاۋتيزمى بار بالالاردىڭ اتا-انالارى قاتىستى. كىتاپ اۆتورلارى يۋليا ەرتس جانە يۋليا مەلەشكەۆيچ قاتىسۋشىلارعا بەينە-بايلانىس ارقىلى شىعىپ، كىتاپتىڭ پايداسى جانە ونىڭ قازاق تىلىنە اۋدارۋ ماڭىزدىلىعى تۋرالى ءسوز قوزعادى. كىتاپتى تانىستىرۋ اياسىندا “بولاشاق” قورىنىڭ ماماندارى قازاقستاننىڭ ءتۇرلى ايماقتارىنان كەلگەن ماماندارعا جانە ەرەكشە بالالاردىڭ اتا-انالارىنا مىنەز-قۇلىقتى قولدانبالى تالداۋ بويىنشا بىرنەشە سەمينار وتكىزدى.
“قازاقستاندا، ءادىل، قولجەتىمدى جانە ساپالى ءبىلىم بەرۋدى قامتاماسىز ەتەتىن جالپى الەمدىك قاعيدالاردى جانە ينكليۋزيۆتىك قۇندىلىقتاردى قولداۋعا ۇمتىلاتىن ەلدە ەرەكشە قاجەتتىلىكتەرى جانە دەنساۋلىعى شەكتەۋلى بالالاردىڭ سانى ارتىپ كەلەدى. سوندىقتان “شەۆرون” كومپانياسى ينكليۋزيانى دامىتۋ قىزمەتىمەن تانىمال “بولاشاق” قورىمەن سەرىكتەستىكتە مىنەز-قۇلىقتى قولدانبالى تالداۋ بويىنشا قۇرالدى قازاق تىلىنە اۋدارۋعا قولداۋ كورسەتۋدى شەشتى. بۇل ادىستەمەلىك قۇرال ينكليۋزيۆتىك ءبىلىم بەرۋ قاعيدالارىن دامىتۋعا جانە دامۋ ەرەكشەلىكتەرى بار بالالارعا تەڭ مۇمكىندىكتەر بەرەتىن قوعام قۇرۋعا ەلەۋلى ۇلەس قوسادى، دەپ سەنەمىز”، – دەيدى “شەۆرون” كومپانياسىنىڭ قازاقستانداعى جۇرتشىلىقپەن بايلانىس جونىندەگى ۇيلەستىرۋشىسى قوشپانوۆا جانار.
بايلانىساتىن تۇلعا:
ليايليا كابپاسوۆا
+7 775 225 19 07; +7 7172 500 618,
_________________________________
“شەۆرون” - دۇنيەجۇزىندەگى ءىرى ينتەگراتسيالانعان ەنەرگەتيكالىق كومپانيالاردىڭ ءبىرى. ءبىز قولجەتىمدى، سەنىمدى جانە تازا ەنەرگيانىڭ گۇلدەنگەن جانە تۇراقتى الەمدى قۇرۋدا ماڭىزى زور دەپ سەنەمىز. “شەۆرون” مۇناي مەن تابيعي گاز شىعارادى، كولىك جاعارمايىن، جانار-جاعار ماي، مۇناي-حيميالىق ونىمدەردى وندىرەدى، سونىمەن قاتار ءبىزدىڭ بيزنەسىمىز بەن سالامىزدى جاقسارتاتىن تەحنولوگيالاردى دامىتادى. ءبىز قىزمەتىمىزدەگى كومىرتەكتى ازايتۋعا ەرەكشە نازار اۋدارامىز جانە بيزنەسىمىزدىڭ قالىپتى باعىتتارىمەن قاتار كومىرتەك شىعارىندىلارى تومەن بيزنەستى دامىتۋعا تىرىسامىز. “شەۆرون” كومپانياسى تۋرالى تولىعىراق اقپاراتتى www.chevron.com سايتىنان تابا الاسىزدار.
“بولاشاق” قورىنىڭ ء“ار بالا مەكتەپكە بارۋعا تۇرارلىق” جوباسى ءاۋتيزمى جانە باسقا دا دامۋ ەرەكشەلىكتەرى بار بالالارعا ارنالعان ينكليۋزيۆتىك ءبىلىم بەرۋ مودەلىن دامىتۋعا جانە قازاقستاننىڭ مەكتەپتەرىنە جانە بالاباقشالارىنا ەنگىزۋگە باعىتتالعان. 2015 جىلدان باستاپ قور قازاقستاننىڭ 17 ايماعىندا ينكليۋيۋزيانى قولدايتىن 46 كابينەت اشتى. 3500-دەن استام مامان ينكليۋزيۆتى ءبىلىم بەرۋ جانە مىنەز-قۇلىقتىڭ قولدانبالى تالداۋى بويىنشا وقۋدان ءوتىپ، 450 جۇمىس ورنى اشىلىپ، قازاقستانداعى قور ماماندارىنىڭ جەتەكشىلىگىمەن 58 كابينەت اشىلدى. قر ءبىلىم جانە عىلىم مينيسترلىگى ماقۇلداعان مىنەز-قۇلىقتى قولدانبالى تالداۋ نەگىزدەرى بويىنشا پەداگوگتاردىڭ بىلىكتىلىگىن ارتتىرۋ كۋرسى ازىرلەنىپ جۇزەگە اسىرىلۋدا.
"ادىرنا" ۇلتتىق پورتالى
