El ordada «Erekşe balalar. Mınez-qūlyqty qoldanbaly taldauǧa (AVA) kırıspe» atty kıtaptyŋ tūsaukeserı öttı. Būl mınez-qūlyqty qoldanbaly taldaityn (AVA) qazaq tılındegı eŋ alǧaşqy oqu qūraly. AVA terapiiasy – älemdegı tiımdılıgı ǧylymi tūrǧydan däleldengen damu erekşelıkterı bar balalardy oqytatu oqytu ädısterınıŋ bırı. Kıtapty “Bolaşaq” korporativtık qory “Şevron” kompaniiasymen serıktestıkte audaryp şyǧardy.
Būl kıtap – «Osobye deti. Vvedenie v prikladnoi analiz povedeniia (AVA)» atty kıtaptyŋ qazaq tılıne audarmasy, ol jerde mınez-qūlyqtyŋ qoldanbaly taldauynyŋ negızgı qaǧidalary, problemalyq mınez-qūlyqty tüzetu ädısterı jäne damu erekşelıkterı bar balalarǧa mınez-qūlyqty üiretu strategiialary sipattalǧan. Kıtap damu erekşelıkterı bar balalardy tärbieleitın jäne oqytatyn pedagogtarǧa, defektologtarǧa, logopedterge jäne ata-analarǧa arnalǧan.
Kıtapty audaru jäne şyǧaru “Bolaşaq” qorynyŋ “Är bala mektepke baruǧa tūrarlyq” jobasy aiasynda ıske asyrylady. Joba 2015 jyldan berı jūmys ıstep keledı jäne autizmı jäne basqa da damu erekşelıkterı bar balalarǧa mektepte jäne balabaqşada bılım berudıŋ inkliuzivtı modelın damytuǧa jäne engızuge baǧyttalǧan.
“Osyndai kıtaptardy audara otyryp bız qazaq tıldı mamandarǧa düniejüzılık ǧylymi qauymdastyq tanyǧan ozyq ädısterdı, iaǧni tüzetu pedagogikany ūsynamyz. Būl degenımız bız Qazaqstandaǧy erekşe balalarmen jūmys tiımdılıgın arttyru üşın köbırek jaǧdai tuǧyzamyz. Kıtappen jūmys barysynda keibır mınez-qūlyqty qoldanbaly taldau boiynşa arnaiy terminder aǧylşyn jäne orys tılderınen alǧaş ret qazaq tılıne audaryldy. Ärine kıtapty audaruǧa bızdıŋ qymbatty demeuşımız “Şevron” kompaniiasynyŋ kömegı zor boldy. Osyndai maŋyzdy ıstı qoldaǧany üşın olarǧa şyn jürekten alǧys aitamyz. Bügın bız qazaq tılındegı inkliuziia salasyndaǧy sapaly ädebiettıŋ şyǧaryluynyŋ negızın qalaimyz. Qor osy baǧytta jūmysyn jalǧastyrady. Qazırgı taŋda bız “ABLLS-R” damu erekşelıkterı bar balalardyŋ daǧdylaryn baǧalau qūralyn aǧylşyn tılınen qazaq tılıne audarudy qolǧa aldyq” – dedı "Bolaşaq” qorynyŋ Qamqorşylyq keŋesınıŋ töraiymy Dinara Gaplan.Şaraǧa “Şevron” kompaniiasynyŋ jūrtşylyqpen bailanys jönındegı üilestıruşısı Qoşpanova Janar, Ūlttyq arnaiy jäne inkliuzivtık bılım berudı damytu ǧylymi-praktikalyq ortalyqtyŋ direktory Kuderinova Äigerım, sonymen qatar mamandar jäne aimaqtardan kelgen autizmı bar balalardyŋ ata-analary qatysty. Kıtap avtorlary Iýliia Ers jäne Iýliia Meleşkevich qatysuşylarǧa beine-bailanys arqyly şyǧyp, kıtaptyŋ paidasy jäne onyŋ qazaq tılıne audaru maŋyzdylyǧy turaly söz qozǧady. Kıtapty tanystyru aiasynda “Bolaşaq” qorynyŋ mamandary Qazaqstannyŋ türlı aimaqtarynan kelgen mamandarǧa jäne erekşe balalardyŋ ata-analaryna mınez-qūlyqty qoldanbaly taldau boiynşa bırneşe seminar ötkızdı.
“Qazaqstanda, ädıl, qoljetımdı jäne sapaly bılım berudı qamtamasyz etetın jalpy älemdık qaǧidalardy jäne inkliuzivtık qūndylyqtardy qoldauǧa ūmtylatyn elde erekşe qajettılıkterı jäne densaulyǧy şekteulı balalardyŋ sany artyp keledı. Sondyqtan “Şevron” kompaniiasy inkliuziiany damytu qyzmetımen tanymal “Bolaşaq” qorymen serıktestıkte mınez-qūlyqty qoldanbaly taldau boiynşa qūraldy qazaq tılıne audaruǧa qoldau körsetudı şeştı. Būl ädıstemelık qūral inkliuzivtık bılım beru qaǧidalaryn damytuǧa jäne damu erekşelıkterı bar balalarǧa teŋ mümkındıkter beretın qoǧam qūruǧa eleulı üles qosady, dep senemız”, – deidı “Şevron” kompaniiasynyŋ Qazaqstandaǧy jūrtşylyqpen bailanys jönındegı üilestıruşısı Qoşpanova Janar.
Bailanysatyn tūlǧa:
Liailia Kabpasova
+7 775 225 19 07; +7 7172 500 618,
_________________________________
“Şevron” - düniejüzındegı ırı integrasiialanǧan energetikalyq kompaniialardyŋ bırı. Bız qoljetımdı, senımdı jäne taza energiianyŋ güldengen jäne tūraqty älemdı qūruda maŋyzy zor dep senemız. “Şevron” mūnai men tabiǧi gaz şyǧarady, kölık jaǧarmaiyn, janar-jaǧar mai, mūnai-himiialyq önımderdı öndıredı, sonymen qatar bızdıŋ biznesımız ben salamyzdy jaqsartatyn tehnologiialardy damytady. Bız qyzmetımızdegı kömırtektı azaituǧa erekşe nazar audaramyz jäne biznesımızdıŋ qalypty baǧyttarymen qatar kömırtek şyǧaryndylary tömen biznestı damytuǧa tyrysamyz. “Şevron” kompaniiasy turaly tolyǧyraq aqparatty www.chevron.com saitynan taba alasyzdar. “Bolaşaq” qorynyŋ “Är bala mektepke baruǧa tūrarlyq” jobasy autizmı jäne basqa da damu erekşelıkterı bar balalarǧa arnalǧan inkliuzivtık bılım beru modelın damytuǧa jäne Qazaqstannyŋ mektepterıne jäne balabaqşalaryna engızuge baǧyttalǧan. 2015 jyldan bastap qor Qazaqstannyŋ 17 aimaǧynda inkliuiuziiany qoldaityn 46 kabinet aşty. 3500-den astam maman inkliuzivtı bılım beru jäne mınez-qūlyqtyŋ qoldanbaly taldauy boiynşa oqudan ötıp, 450 jūmys orny aşylyp, Qazaqstandaǧy qor mamandarynyŋ jetekşılıgımen 58 kabinet aşyldy. QR Bılım jäne ǧylym ministrlıgı maqūldaǧan mınez-qūlyqty qoldanbaly taldau negızderı boiynşa pedagogtardyŋ bılıktılıgın arttyru kursy äzırlenıp jüzege asyryluda."Adyrna" ūlttyq portaly
