الماتى حالىقارالىق اۋەجايى ءباسپاسوز قىزمەتىنىڭ حابارلاۋىنشا، جولاۋشىلار اتىراۋعا قاراي ۇشىپ شىعىپ، الماتىعا تۇندە كەلەدى، دەپ جازادى "ادىرنا" ۇلتتىق پورتالى aikyn.kz-كە سىلتەمە جاساپ.
«قازاقستاندىقتار وتىرعان ۇشاق كاتوۆيتسە قالاسىنىڭ ۋاقىتى بويىنشا ساعات 10:30-دا اتىراۋعا قاراي ۇشىپ شىعادى. الماتىعا تۇنگى ساعات 00:30-دا كەلەدى دەپ كۇتىلۋدە. باق وكىلدەرى ءۇشىن ءباسپاسوز ءماسليحاتى ۇيىمداستىرىلادى» دەلىنگەن رەسمي حابارلامادا.
ەكىنشى رەيس 1 ناۋرىزعا جوسپارلانىپ وتىر.
بۇگىن ۋكرايناداعى قازاقستان ازاماتتارىن اكەلۋگە بىرىنشى رەيس اتىراۋدان كاتوۆيتسە قالاسىنا (پولشا) نۇر-سۇلتان ۋاقىتى بويىنشا ساعات 09:53-تە ۇشىپ كەتتى. اۋە كەمەسىنىڭ ءتيپى – ا321, 179 جولاۋشىعا ارنالعان.
"ادىرنا" ۇلتتىق پورتالى
