Almaty halyqaralyq áýejaıy baspasóz qyzmetiniń habarlaýynsha, jolaýshylar Atyraýǵa qaraı ushyp shyǵyp, Almatyǵa túnde keledi, dep jazady "Adyrna" ulttyq portaly aikyn.kz-ke silteme jasap.
«Qazaqstandyqtar otyrǵan ushaq Katovıe qalasynyń ýaqyty boıynsha saǵat 10:30-da Atyraýǵa qaraı ushyp shyǵady. Almatyǵa túngi saǵat 00:30-da keledi dep kútilýde. BAQ ókilderi úshin baspasóz máslıhaty uıymdastyrylady» delingen resmı habarlamada.
Ekinshi reıs 1 naýryzǵa josparlanyp otyr.
Búgin Ýkraınadaǵy Qazaqstan azamattaryn ákelýge birinshi reıs Atyraýdan Katovıe qalasyna (Polsha) Nur-Sultan ýaqyty boıynsha saǵat 09:53-te ushyp ketti. Áýe kemesiniń tıpi – A321, 179 jolaýshyǵa arnalǵan.
"Adyrna" ulttyq portaly