"نۇر وتان" پارتياسىنىڭ اتاۋى پارتيا مۇشەلەرىنىڭ شەشىمىمەن "امانات" دەپ وزگەرتىلگەن بولاتىن. "امانات" پارتياسىنىڭ جاڭا لوگوتيپى نازارعا ۇسىنىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اسحات ورالوۆ ءوزىنىڭ Facebook پاراقشاسىندا جاريالادى:
"تۋرا 23 جىل بۇرىن 1 ناۋرىزدا پارتيانىڭ قۇرىلتاي سەزى وتكەنىن بىلەسىزدەر. ءدال وسى كۇنگە ورايلاستىرىلعان بۇگىنگى جيىننىڭ پارتيا تاريحىنداعى ورنى بولەك.
سەبەبى ءبىز بۇگىن پارتيا توراعاسىنىڭ 28 قاڭتاردا وتكەن سەزدە مودەرنيزاتسيالاۋ بويىنشا بەرگەن تاپسىرماسى اياسىندا دايىندالعان باعدارلامانى تالقىلادىق، ونى سەزد دەلەگاتتارى ءبىراۋىزدان ماقۇلدادى.وسىعان وراي پارلامەنت ماجىلىسىندەگى «Nur Otan» پارتياسى فراكتسياسىنىڭ توراعاسى ەرلان جاقانۇلى قوشانوۆ پارتيا اتاۋىن «AMANAT» دەپ وزگەرتۋ تۋرالى ۇسىنىس ءبىلدىردى.مەملەكەت باسشىسى، پارتيا توراعاسى قاسىم-جومارت كەمەلۇلى توقاەۆ بۇل ۇسىنىسقا قولداۋ ءبىلدىردى، پارتيانىڭ جاڭا اتاۋىن سەزد دەلەگاتتارى دا ءبىراۋىزدان قولدادى.سەزد شەشىمىمەن پارتيانىڭ جارعىسىنا ءتيىستى وزگەرىستەر ەنگىزىلىپ، جاڭا اتاۋى مەن بەلگىسى بەكىتىلدى.بۇل – جاڭا قازاقستاندى قۇرۋ جولىندا جاڭارعان پارتيامىزعا بەرىلگەن ايرىقشا جاۋاپكەرشىلىك پەن كورسەتىلگەن زور سەنىم دەپ سانايمىن.سونىمەن، پارتيامىزدىڭ «AMANAT» دەپ اتالۋىنىڭ سەبەبىن قىسقاشا ايتىپ وتسەم.بىرىنشىدەن، «AMANAT» – مەملەكەت مۇددەسى ءۇشىن تاريحي جاۋاپكەرشىلىكتى العان پارتيا.تاۋەلسىز مەملەكەتىمىز، ەلىمىز بەن جەرىمىز – اتا-بابامىزدىڭ بىزگە قالدىرعان اماناتى. وسى اماناتتى حالىق يگىلىگى ءۇشىن ساقتاپ قالۋ، كەلەر ۇرپاقتارعا جەتكىزۋ – ەل تۇتقاسىن ۇستاعان باس پارتيا ءۇشىن ەڭ ۇلكەن جاۋاپكەرشىلىك.ەكىنشىدەن، «AMANAT» – حالىق مۇراسىن ساقتاۋشى پارتيا.تامىرى تەرەڭ تاريحىمىز، مادەنيەتىمىز بەن ادەبيەتىمىز، ءتىلىمىز بەن سالت-ءداستۇرىمىز – تاۋەلسىز قازاقستاننىڭ بارشا ازاماتتارىنىڭ مۇراسى.وسى مۇرانى ءبىرتۇتاس ەلدىڭ ورتاق مۇددەسى ءۇشىن امانات رەتىندە كوزدىڭ قاراشىعىنداي ساقتاپ، دامۋىنا جاعداي جاساۋ – پارتيانىڭ ءىرى مىندەتتەرىنىڭ ءبىرى.ۇشىنشىدەن، «AMANAT» – مەملەكەتتىك مۇددەگە ادال، قوعام يگىلىگىنە جۇمىس ىستەيتىن پارتيا.حالىق ۇعىمىندا «اماناتقا قيانات جاسالمايدى»، ياعني اماناتتى ساقتاۋشى پارتيا مۇشەلەرى – ەڭ اۋەلى مەملەكەت مۇددەسىنە ادال ازاماتتار.تورتىنشىدەن، «AMANAT» – سايلاۋشىلار اماناتىن ورىندايتىن، حالىق ۇنىنە قۇلاق اساتىن پارتيا.حالىقتىڭ ءۇنى – سايلاۋ كەزىندە ازاماتتاردىڭ تالاپ-تىلەگى مەن پارتياعا تاپسىرعان اماناتتارى. ولار سايلاۋالدى باعدارلاماعا ەنگىزىلدى. پارتيا سايلاۋشىلاردىڭ اماناتىن ورىنداۋ ارقىلى ەلگە قىزمەت ەتەدى. بارلىق ايماقتارداعى قابىلداۋ بولمەلەرى مەن قوعامدىق كەڭەستەرى ارقىلى حالىقتىڭ مۇڭ-مۇقتاجىنا قۇلاق ءتۇرىپ، بيلىك ورگاندارىنا جەتكىزىپ، وڭ شەشىم قابىلدانۋىنا ىقپال ەتەدى.بەسىنشىدەن، «AMANAT» – قوعامداعى الەۋمەتتىك ادىلدىكتى جاقتايتىن، بارشا ازاماتتارعا تەڭ مۇمكىندىك بەرۋدى قولدايتىن پارتيا.ءبىز ءبىر-بىرىنە قولداۋ بىلدىرەتىن، مىقتىلارى السىزدەرگە جاردەم بەرەتىن، الەۋمەتتىك ءالسىز توپتاردىڭ مۇددەسىن قورعايتىن قوعام قۇرۋعا ۇمتىلامىز. امانات ساقتالعان جاعدايدا قوعامدا ادامدار اراسىنداعى باۋىرمالدىق، سەنىم مەن مەيىرىم كۇشەيەدى، ەل ىشىندە ىرىس-بەرەكە ۇيالايدى.التىنشىدان، «AMANAT» – وتباسى قۇندىلىقتارىن، قوعامدىق بىرلىكتى ناسيحاتتايتىن پارتيا. تاۋەلسىز قازاقستاندى وركەندەتەتىن كەلەر ۇرپاق بولعاندا، زيالى، كوزى اشىق، تاربيەسى كوركەم ۇرپاقتى تاربيەلەۋ – اتا-انانىڭ، قوعامنىڭ جانە مەملەكەتتىڭ موينىنداعى امانات. سوندىقتان پارتيا وتباسى ينستيتۋتىنىڭ بەرىك بولۋىنا، ۇلتتىق بالا تاربيەسىنە، انا مەن بالانىڭ قۇقىعىنىڭ قورعالۋىنا باسا نازار اۋدارادى.جەتىنشىدەن، «AMANAT» – مەملەكەتتى باسقارۋعا كورسەتىلگەن سەنىم.ءبىر ۇجىمنىڭ قىزمەتكەرلەرى – باسشىعا، سايلاۋشىلار – پارتياعا، حالىق – پرەزيدەنتكە امانات.پارلامەنتتە، جەرگىلىكتى ءماسليحاتتاردا كونستيتۋتسيالىق باسىمدىققا يە، ۇكىمەت پەن جەرگىلىكتى اتقارۋشى بيلىكتى قاداعالايتىن پارتيا رەتىندە مەملەكەتتى دامىتۋعا، ونى وزىق ەلدەردىڭ قاتارىنا قوسۋعا، حالىق تۇرمىسىن جاقسارتۋعا كۇش سالامىز. وسى ماقسات جولىندا پارتيا پرەزيدەنتتىڭ قوعامدىق-ساياسي جانە الەۋمەتتىك-ەكونوميكالىق رەفورمالارىن تولىقتاي جۇزەگە اسىرۋ ءۇشىن وعان جان-جاقتى قولداۋ كورسەتەدى.جاڭارعان پارتيامىز اتىنا زاتى ساي بولادى دەپ سەنەمىن.العىس ايتۋ كۇنى قۇتتى بولسىن!
مەملەكەت پەن حالىق يگىلىگىنە جاساعان قىزمەتتەرىڭىز ءۇشىن مىڭ العىس!" دەپ جازدى اسحات مىرزا.
