"Nūr Otan" partiiasynyŋ atauy partiia müşelerınıŋ şeşımımen "Amanat" dep özgertılgen bolatyn. "Amanat" partiasynyŋ jaŋa logotipı nazarǧa ūsynyldy, dep habarlaidy "Adyrna" ūlttyq portaly.
Būl turaly Ashat Oralov özınıŋ Facebook paraqşasynda jariialady:
"Tura 23 jyl būryn 1 nauryzda partiianyŋ qūryltai Sezı ötkenın bılesızder. Däl osy künge orailastyrylǧan bügıngı jiynnyŋ partiia tarihyndaǧy orny bölek.
Sebebı bız bügın Partiia Töraǧasynyŋ 28 qaŋtarda ötken Sezde modernizasiialau boiynşa bergen tapsyrmasy aiasynda daiyndalǧan baǧdarlamany talqyladyq, ony Sezd delegattary bırauyzdan maqūldady.Osyǧan orai Parlament Mäjılısındegı «Nur Otan» partiiasy Fraksiiasynyŋ Töraǧasy Erlan Jaqanūly Qoşanov partiia atauyn «AMANAT» dep özgertu turaly ūsynys bıldırdı.Memleket basşysy, Partiia Töraǧasy Qasym-Jomart Kemelūly Toqaev būl ūsynysqa qoldau bıldırdı, partiianyŋ jaŋa atauyn Sezd delegattary da bırauyzdan qoldady.Sezd şeşımımen partiianyŋ Jarǧysyna tiıstı özgerıster engızılıp, jaŋa atauy men belgısı bekıtıldı.Būl – Jaŋa Qazaqstandy qūru jolynda jaŋarǧan partiiamyzǧa berılgen airyqşa jauapkerşılık pen körsetılgen zor senım dep sanaimyn.Sonymen, partiiamyzdyŋ «AMANAT» dep ataluynyŋ sebebın qysqaşa aityp ötsem.Bırınşıden, «AMANAT» – memleket müddesı üşın tarihi jauapkerşılıktı alǧan partiia.Täuelsız memleketımız, elımız ben jerımız – ata-babamyzdyŋ bızge qaldyrǧan amanaty. Osy amanatty halyq igılıgı üşın saqtap qalu, keler ūrpaqtarǧa jetkızu – el tūtqasyn ūstaǧan bas partiia üşın eŋ ülken jauapkerşılık.Ekınşıden, «AMANAT» – halyq mūrasyn saqtauşy partiia.Tamyry tereŋ tarihymyz, mädenietımız ben ädebietımız, tılımız ben salt-dästürımız – Täuelsız Qazaqstannyŋ barşa azamattarynyŋ mūrasy.Osy mūrany bırtūtas eldıŋ ortaq müddesı üşın amanat retınde közdıŋ qaraşyǧyndai saqtap, damuyna jaǧdai jasau – partiianyŋ ırı mındetterınıŋ bırı.Üşınşıden, «AMANAT» – memlekettık müddege adal, qoǧam igılıgıne jūmys ısteitın partiia.Halyq ūǧymynda «amanatqa qiianat jasalmaidy», iaǧni amanatty saqtauşy partiia müşelerı – eŋ äuelı memleket müddesıne adal azamattar.Törtınşıden, «AMANAT» – sailauşylar amanatyn oryndaityn, halyq ünıne qūlaq asatyn partiia.Halyqtyŋ ünı – sailau kezınde azamattardyŋ talap-tılegı men partiiaǧa tapsyrǧan amanattary. Olar sailaualdy baǧdarlamaǧa engızıldı. Partiia sailauşylardyŋ amanatyn oryndau arqyly elge qyzmet etedı. Barlyq aimaqtardaǧy qabyldau bölmelerı men qoǧamdyq keŋesterı arqyly halyqtyŋ mūŋ-mūqtajyna qūlaq türıp, bilık organdaryna jetkızıp, oŋ şeşım qabyldanuyna yqpal etedı.Besınşıden, «AMANAT» – qoǧamdaǧy äleumettık ädıldıktı jaqtaityn, barşa azamattarǧa teŋ mümkındık berudı qoldaityn partiia.Bız bır-bırıne qoldau bıldıretın, myqtylary älsızderge järdem beretın, äleumettık älsız toptardyŋ müddesın qorǧaityn qoǧam qūruǧa ūmtylamyz. Amanat saqtalǧan jaǧdaida qoǧamda adamdar arasyndaǧy bauyrmaldyq, senım men meiırım küşeiedı, el ışınde yrys-bereke ūialaidy.Altynşydan, «AMANAT» – otbasy qūndylyqtaryn, qoǧamdyq bırlıktı nasihattaityn partiia. Täuelsız Qazaqstandy örkendetetın keler ūrpaq bolǧanda, ziialy, közı aşyq, tärbiesı körkem ūrpaqty tärbieleu – ata-ananyŋ, qoǧamnyŋ jäne memlekettıŋ moinyndaǧy amanat. Sondyqtan partiia otbasy institutynyŋ berık boluyna, ūlttyq bala tärbiesıne, ana men balanyŋ qūqyǧynyŋ qorǧaluyna basa nazar audarady.Jetınşıden, «AMANAT» – memlekettı basqaruǧa körsetılgen senım.Bır ūjymnyŋ qyzmetkerlerı – basşyǧa, sailauşylar – partiiaǧa, halyq – Prezidentke amanat.Parlamentte, jergılıktı mäslihattarda konstitusiialyq basymdyqqa ie, Ükımet pen jergılıktı atqaruşy bilıktı qadaǧalaityn partiia retınde memlekettı damytuǧa, ony ozyq elderdıŋ qataryna qosuǧa, halyq tūrmysyn jaqsartuǧa küş salamyz. Osy maqsat jolynda partiia Prezidenttıŋ qoǧamdyq-saiasi jäne äleumettık-ekonomikalyq reformalaryn tolyqtai jüzege asyru üşın oǧan jan-jaqty qoldau körsetedı.Jaŋarǧan partiiamyz atyna zaty sai bolady dep senemın.Alǧys aitu künı qūtty bolsyn!
Memleket pen halyq igılıgıne jasaǧan qyzmetterıŋız üşın myŋ alǧys!" dep jazdy Ashat myrza.
