Qazaqstanda «JASTAR ÜNI» jas kandidattardy qoldau blogy qūryldy

3258
Adyrna.kz Telegram
https://adyrna.kz/content/uploads/2023/02/016755d3-91d7-4712-9df7-783a075f177f.jpeg

Jurnalistter men belsendı jastar «Jastar ünı» jas kandidattardy qoldau blogyn qūrdy. Būl turaly bügın jurnalistter Erqanat Köpjasarūly, Aqböpe Täŋırbergen, Nūrsūltan Qūrman jäne QR Parlamentı Mäjılısı deputattyǧyna ümıtkerler Iаkov Fedorov pen Maqsat Halyq Qazaqstan baspasöz klubynda ötken baspasöz mäjılısınde jariia ettı, dep habarlaidy “Adyrna” ūlttyq portaly.

Qazaqstan Ūlttyq arnasy «Aşyq alaŋ» saiasi tok-şouynyŋ jürgızuşısı Erqanat Köpjasarūly aituynşa «JASTAR ÜNI» jas kandidattardy qoldau blogynyŋ qataryna kez kelgen jas kandidattardy qorǧaimyn, qoldaimyn, keŋes beremın degen belsendı jastar kıre alady:

«Bızdıŋ basty maqsatymyz - qoǧamda pıkırın aşyq bıldırıp jürgen, öz mamandyǧynyŋ jılıgın şaǧyp maiyn ışken, eldıŋ ışındegı problemalardan habardar är salanyŋ belsendı jastaryn halyq arasyndaǧy qoldauyna bailanysty Mäjılıs pen barlyq deŋgeidegı mäslihattar sailauyna qatysyp, baq synap köruge şaqyru», - deidı ol.

«Euraziia» telearnasynyŋ jurnalisı Aqböpe Täŋırbergen öz jeke keisımen bölısıp, jas deputattar köbeise, mäjılıstıŋ de ūiqysy aşylar edı degen oi bıldırdı:

«Men tılşı retınde auyl-aimaqty aralap, problemasyn efirden körsetkende, sol audannan şyqqan deputattar «halyqtyŋ problemasyn şeşeiık, mynandai mäsele bar eken» dep nazar audarudyŋ ornyna, ol auyldyŋ äkımı jaqsy azamat dep, myna jurnalstıkı ne sūmdyq, bızdıŋ auyldyŋ jaman jaqtaryn ŋǧana körsettı dep şyǧatyn edı. Bıraq sol auylda tuǧan jerınıŋ problemasyn şyryldap jürıp köteretın jastar bar. Olar oiyn da aşyq aitady, sauatty. Osyndai jastar qazır bır mandattyq jüie boiynşa sailauǧa tüsıp jatyr eken olarǧa qoldau kerek», - dep atap öttı

Al telejürgızuşı, bloger Nūrsūltan Qūrman öz tarapynan jas kandidattarǧa äleuemttık jelıde qoldau körsetetını turaly aitty:

«Men özım barmasam da, sol salaǧa barǧysy kelıp, elımızdegı zaŋ salasynda özgerıster engızıp, halyqqa paidasy tietın azamattardy qoldaǧym keledı. Sondyqtan da, tūraqty jas körermenderden tūratyn auditoriiasy bar iutub kanalymda «teledebat» ūiymdastyryp, är partiiadan ūsynylyp jatqan jas kandidattardy şaqyratyn bolamyn. Onyŋ barlyǧy tıkelei efirde ötedı. Ekınşıden, barlyq deŋgeidegı kandidattarǧa podkast, interviu retınde kömek körsetetın bolamyn».

Tanymal bloger Iаkov Fedorov qazaqstandyq jastarǧa qatysty stereotipterge toqtaldy:

«Bızde qazaqstandyq jastar saiasatqa qyzyqpaidy degen stereotip bar, alaida būl olai emes. Būǧan deiın jastarda mümkındık pen taŋdau bolǧan joq. Al, qazırgı uaqytta kez kelgen azamat özın-özı ūsyna alady. Eŋ bastysy – jastar özgerıs engızemın degen şyn nietterımen bara jatyr», - dedı ol.

Ekonomist, QR Parlamentı Mäjılısı deputattyǧyna ümıtker Maqsat Halyq partiialardan jasalyp jatqan qoldauǧa toqtaldy:

«Şyny kerek, bızdı bırde-bır partiia qoldap jatqan joq, «Amanat», «Auyl», «Respublika» partiiasy bolsyn. Sonyqtan da, qazırgı uaqytta özımızdı ūsynyp, bolaşaqqa üles qosamyz degen niet bar. Ärine, öŋırlerde ädıletsızdık oryn alatyn şyǧar, bıraq özgerısterdı özımız jasap, qaŋtardan bastap aitylyp kele jatqan «Jaŋa Qazaqstandy» bırge qūru kerekpız», - dep atap öttı.

Aita keteiık,  «Jastar Ünı» jas kandidattardy qoldau blogy – öz-özın bır mandattyq jüiemen ūsynǧandardy da, partiia atynan ūsynylyp otyrǧandardy da bölıp-jarmai qoldauǧa daiyn. Bastysy 21-35 jas aralyǧyndaǧy jastar sanatyna jatatyn azamattar boluy tiıs. 













Pıkırler