Keşe memleket basşysy Qasym-Jomart Toqaev ekı jyldan asa qyzmet atqarǧan Älihan Smaiylov basqaratyn ministrler kabinetın otstavkaǧa jıberdı. Bügın «Amanat» partiiasy prezident äkımşılıgınıŋ basşysy Oljas Bektenovtı premer lauazymyna ūsyndy.
Byltyr nauryzdaǧy Mäjılıs sailauynan keiın Ükımet auysa ma degen sūraq el ışın kezıp jürdı. Sondai-aq Parlament jaŋa sessiiaǧa kırısetın qyrküiek aiynda saiasi korridorlarda «Älihan Smaiylov otstavkaǧa ketedı eken» degen söz jeldei estı. Keiıngı uaqytta Ükımettı otstavkaǧa jıberu turaly söz saiabyrsyp qalǧan bolatyn. Prezident Älihan Smaiylov basqaratyn ministrler kabinetın nelıkten däl qazır doǧarysqa jıberdı?
«JAUAPKERŞILIKTI ARQALAITYN ÜKIMET KEREK BOLDY»
Saiasi sarapşy Qazbek Beisebaev Ükımettıŋ däl qazır doǧarysqa jıberıluın kabinettıŋ jauapkerşılıgımen bailanystyrady. Prezidentke endıgıde bar jauapkerşılıktı öz moinyna alyp atqaratyn kabinet qajet. Jäne ol taza ekonomikalyq jäne äleumettık mäselenı retteumen ainalysuy tiıs.
– Bızge qazır etık kiıp, şaruanyŋ bel ortasynda jüretın premer-ministr kerek. Kün saiyn är türlı nysanda bolyp, qordalanǧan mäselenı bırden şeşıp otyratyn ısker Ükımet basşysy qajet. Al Älihan Smaiylov gumanitariia salasynyŋ ökılı,iaǧni statist. Bızge öndırıs salasynyŋ mamany kerek. Jylu elektar stansiialaryna baryp, qūrylys nysany mäselesın şeşetın premer kerek. Qazırgı taŋda Ükımettıŋ ökılettılıgı men jauapkerşıgı artyp jatyr. Saiasi qyzmettı prezident öz moinyna alady, al ekonomikany damytudy premer-ministrge jükteledı, - deidı Qazbek Beisebaev.
Saiasi sarapşy Qazbek Beisebaevtyŋ aituynşa, Ükımet prezident äkımşılıgıne baǧynyşty bolmai, derbes qyzmet etuı kerek. Sonyŋ uaqyty endı kelgendei.
- Juyrda Memleket basşysy Qasym-Jomart Toqaev «Bız ükımetke köp ökılettılık beremız. Būryn Ükımet prezident äkımşılıgımen aqyldasatyn. Endı Ükımetke erkındık beremız, derbes bolady jäne bärın özderı şeşedı» dep aitqan bolatyn. Şyny kerek, būǧan deiın Ükımet prezident äkımşılıgıne täueldı boldy. Bızde ekonomika jaǧynan köptegen problema bar. Ony bır ortalyqtan basqaru arqyly şeşu qiyn. Prezident aitqandai Ükımet derbes boluy kerek– deidı ol.
«ÜKIMET PREZİDENT TAPSYRMALARYN ORYNDAǦAN JOQ»
Ekonomist, kezekten tys prezident sailauynyŋ kandidaty bolyp körgen Meiram Qajyken ketken Ükımettı synaudyŋ qajetı joq ekenın eskerttı.
- Özıŋız halyq küzde Ükımettıŋ otstavkaǧa ketuın talap ettı dep aittyŋyz ǧoi. Halyqtyŋ talap-tılegı oryndaldy. Älihan Smaiylov basqaratyn ministrler kabinetınıŋ jaramsyz Ükımet ekenın aityp jürdık. Bıraq ketken Ükımet kettı, endı ol turaly aitudyŋ ne qajetı bar? Jūmys ıstep jürgen kezde aitu kerek, al qazır keş. Menıŋ oiymşa, ketken ükımet turaly aitudyŋ qajetı joq. Jaŋadan keletın Ükımettı synau kerek. Älihan Smaiylov basqarǧan Ükımet Prezidenttapsyrmalaryn oryndaǧan joq. Halyqtyŋ äleumettık jaǧdaiyn köterıp, eŋ tömengı jalaqyny köterudı şeşe almady. Ükımettıŋ ekonomikalyq jäne äleumettık saladaǧy jūmysy tūtas qūrdymǧa kettı. Sondai-aq saiasi partiialardy tırkeu jaǧynan eşqandai oŋ özgerıs bolmady – dedı ol.
Būdan aldyn Prezident Toqaev 2023 jylǧy 1 qyrküiektegı joldauynda «Naqty salalarǧa qatysty şeşımderdı äzırleu jäne oryndau mındetı, sondai-aq tüpkı nätije üşın jauapkerşılık tolyǧymen ministrlerge jükteledı. Öitkenı olar özınıŋ būiryǧymen jedel şeşım qabyldap otyruǧa tiıs. Būl – äkımderge de qatysty mäsele»,-degen bolatyn. Sonda el basşysy «ekonomikalyq saiasattyŋ ıske asyryluyna Ükımet tolyǧymen jauap bermek» degendı qadai aitqan. Prezidenttıŋ aituynşa, Ükımet «biurokratiiaǧa jäne sözbūidaǧa salynbai, Prezident äkımşılıgıne jaltaqtamai, ekonomikany derbes basqarudyŋ barlyq ädıs-täsılderın qolynda ūstauǧa tiıs».OLJAS. OL KIM?
Qaŋtar oqiǧasynynan keiın Ükımettegı kezekşılık kezeŋde Premer bolyp taǧaiyndalǧan Älihan Smaiylovtyŋ kabinetı doǧarysqa jıberılgen bolatyn. Bügın «Amanat» partiiasynyŋ töraǧasy Erlan Qoşanov Prezidentpen aqyldasqan t ürde Premer-ministr qyzmetıne Oljas Bektenovtıŋ kandidaturasyn ūsynǧan.
Bügın tüsten keiın Prezidenttıŋ qatysuymen ötetın Parlamenttegı partiialardyŋ fraksiialar jiynynda būl mäsele talqylanady. Ädette Aqordanyŋ ūsynysyn parlament būǧan deiın kerı qaqqan emes.Būl joly da eşqandai siurpriz kütılmeidı.
Al Oljas Bektenov kım?
Ol 1980 jyly 13 jeltoqsanda Almaty qalasynda düniege kelgen. 2001 jyly Qazaq memlekettık zaŋ akademiiasynan zaŋger mamandyǧyn bıtırgen. 2002-2005 jyldary aralyǧynda Almaty qalasy ädılet basqarmasynda bas maman qyzmetın atqarǧan. 2006-2009 jyldary Prezident äkımşılıgınde qyzmet etken.
Keiın Ädılet ministrlıgınıŋ tırkeu jäne qūqyqtyq alǧaşqy kömek körsetu qyzmetı komitetı törǧasynyŋ orynbasary, Ekonomikalyq qylmys jäne sybailas jemqorlyq qarsy küres agenttıgı ortalyq apparatynda departament basşysy, Astana qalasy äkımınıŋ apparat basşysy, Prezident äkımşılıgı basşysy hatşylyǧynyŋ meŋgeruşısı, Astana qalasy boiynşa Sybailas jemqorlyqqa qarsy ıs-qimyl ūlttyq biurosynyŋ (sybailas jemqorlyqqa qarsy qyzmet) basşysy, Aqmola oblysy äkımınıŋ orynbasary, Memlekettık qyzmet ısterı jäne sybailas jemqorlyqqa qarsy ıs-qimyl agenttıgı töraǧasynyŋ bırınşı orynbasary, keiın osy agenttık töraǧasy qyzmetterın atqarǧan.
Oljas Bektenov 2023 jylǧy 3 säuırden berı Prezident äkımşılıgınıŋ basşysy bolatyn.
Serık Joldasbai «Adyrna» ūlttyq portaly
