Premer-ministr Oljas Bektenov Qazaqstanǧa jūmys saparymen kelgen Resei ükımetınıŋ töraǧasy Mihail Mişustin ekıjaqty kelıssözder jürgızdı. Būl turaly bügın, 25 nauryzda Ükımettıŋ baspasöz qyzmetı jazdy, dep habarlaidy «Adyrna» tılşısı.
Taraptar sauda-ekonomikalyq, investisiialyq yntymaqtastyq, önerkäsıp, energetika jäne kölık salasyndaǧy jobalardy jüzege asyru, sondai-aq ekologiia salasyndaǧy özara ıs-qimyl mäselelerın qarady.
«Memleket basşysy Qasym-Jomart Kemelūly Toqaev pen Vladimir Vladimirovich Putinnıŋ bırlesken küş-jıgerınıŋ arqasynda qazaq-resei qatynastary özara ıs-qimyldyŋ sapaly jaŋa deŋgeiıne köterıldı. Soŋǧy jyldary özara sauda kölemı $30 mlrdtyq mejege edäuır jaqyndady»,- dep atap öttı Oljas Bektenov.
Resei Qazaqstan ekonomikasyna salynǧan investisiialar kölemı boiynşa köşbasşy elder qatarynda. Mäselen, ötken jyldyŋ 9 aiynda körşımızden $2,1 mlrd investisiia tartyldy. Al 20 jyl ışınde reseilık tıkelei investisiialar kölemı $28,5 mlrd-qa jettı. Qazaqstan RF ekonomikasyna $9 mlrd investisiia saldy.
«Sızdı jäne qazaqstandyqtardy tarihi oqiǧamen, jaŋa Konstitusiialaryŋyzdyŋ qabyldanuymen şyn jürekten qūttyqtaimyn. Referendum nätijesı Qazaqstan halqynyŋ el prezidentı Qasym-Jomart Kemelūly Toqaevtyŋ zamanaui ärı örkendegen memleket qūru, respublika azamattarynyŋ äl-auqatyn arttyru baǧytyn qoldaitynyn naqtylai tüstı»,- dep atap öttı Mihail Mişustin.
Kelıssözder barysynda Kaspii teŋızınıŋ ekojüiesın saqtau jäne tabiǧatty qorǧau bastamalaryn jüzege asyru jönındegı bırlesken ıs-qimyldarǧa da nazar audaryldy. Qazaqstan Kaspii teŋızı deŋgeiınıŋ odan ärı tömendeuın boldyrmauǧa jäne ekologiialyq jaǧdaidy tūraqtandyruǧa baǧyttalǧan barlyq Kaspii maŋy memleketterınıŋ jüielı jäne kelısılgen özara ıs-qimylyn qoldaidy. Memleket basşysy Qasym-Jomart Toqaevtyŋ bastamasymen Kaspiidıŋ su resurstaryn saqtau jönındegı memleketaralyq baǧdarlamanyŋ jobasy äzırlenude.
Kezdesu qorytyndysy boiynşa taraptar sauda-ekonomikalyq yntymaqtastyqty odan ärı damytu nietın rastady.
