جامبىلدىقتار العىس ايتۋ كۇنىن كەڭ كولەمدە اتاپ ءوتتى

2248
Adyrna.kz Telegram

 1 ناۋرىز – العىس ايتۋ كۇنىنە وراي جامبىل وبلىسىنىڭ اكىمى بەردىبەك ساپارباەۆتىڭ قاتىسۋىمەن بىرقاتار شارالار ءوتتى. ايماق باسشىسى الدىمەن «قازاق ەلىنە مىڭ العىس» مونۋمەنتىنە گۇل شوقتارىن قويدى. شاراعا وبلىستىق، قالالىق، ءماسليحات، ارداگەرلەر، قوعامدىق كەڭەس توراعالارى، زيالى قاۋىم، قوعام بەلسەندىرلەرى، ەتنو-مادەني بىرلەستىك وكىلدەرى قاتىستى.

– ءبىز ەڭ ءبىرىنشى اعا بۋىن اتا-اپالارىمىزعا ەلەۋلى ەڭبەكتەرى ءۇشىن العىس ايتۋعا ءتيىسپىز. ءوڭىرىمىزدىڭ وركەندەۋى جولىندا جەمىستى جۇمىس جاساپ، دەمەۋشىلىك، قايىرىمدىلىق شارالارعا بەلسەنە اتسالىسىپ جۇرگەن كاسىپورىندارعا، قوعامدىق ءتارتىپتى قامتاماسىز ەتىپ جۇرگەن قۇقىق قورعاۋ، توتەنشە جاعداي دەپارتامەنتتەرى قىزمەتكەرلەرىنە، وبلىستىڭ دامۋىنا اتسالىسىپ جۇرگەن ءتۇرلى سالا قىزمەتكەرلەرىنە، دارىگەرلەرگە، مۇعالىمدەرگە، سپورتشىلارعا جانە بارشا جەرلەستەرىمىزگە العىس ايتامىز،-دەدى ايماق باسشىسى.

 «كونە تاراز» كەشەنىنىڭ الاڭىندا تۇرعىندارعا ارنالىپ كونتسەرتتىك باعدارلاما، سپورتتىق شارالار، كورمە، ۇلتتىق ويىندار ۇيىمداستىرىلىپ، تەگىن ىستىق تاماقتار تاراتىلدى.

پىكىرلەر