Jambyldyqtar alǵys aıtý kúnin keń kólemde atap ótti

2246
Adyrna.kz Telegram

 1 naýryz – Alǵys aıtý kúnine oraı Jambyl oblysynyń ákimi Berdibek Saparbaevtyń qatysýymen birqatar sharalar ótti. Aımaq basshysy aldymen «Qazaq eline myń alǵys» monýmentine gúl shoqtaryn qoıdy. Sharaǵa oblystyq, qalalyq, máslıhat, ardagerler, qoǵamdyq Keńes tóraǵalary, zııaly qaýym, qoǵam belsendirleri, etno-mádenı birlestik ókilderi qatysty.

– Biz eń birinshi aǵa býyn ata-apalarymyzǵa eleýli eńbekteri úshin alǵys aıtýǵa tıispiz. Óńirimizdiń órkendeýi jolynda jemisti jumys jasap, demeýshilik, qaıyrymdylyq sharalarǵa belsene atsalysyp júrgen kásiporyndarǵa, qoǵamdyq tártipti qamtamasyz etip júrgen quqyq qorǵaý, tótenshe jaǵdaı departamentteri qyzmetkerlerine, oblystyń damýyna atsalysyp júrgen túrli sala qyzmetkerlerine, dárigerlerge, muǵalimderge, sportshylarǵa jáne barsha jerlesterimizge alǵys aıtamyz,-dedi aımaq basshysy.

 «Kóne Taraz» kesheniniń alańynda turǵyndarǵa arnalyp konerttik baǵdarlama, sporttyq sharalar, kórme, ulttyq oıyndar uıymdastyrylyp, tegin ystyq tamaqtar taratyldy.

Pikirler